Noch Chile simmer nomol für e Wuchä uf Argentinie zruggkehrt. Am Fritig am 2.März hand mir ufem Weg noch Mendoza szweite mol die wunderschöne Ande überquert. Üsi Ziit i de argentinische Wiihauptstadt hend mir mit Wiitrinke, Ritte, Pique-nique, Parkspaziergäng, enere Wiiguetbesichtigung und wie immer mit guetem Esse verbrocht. Scho noch 3 Täg simmer denn noch Salta ufbroche. E herzigi Stadt mit Pastelkirche, vo wo me Usflueg i di landschaftlich wunderschön Umgebig cha underneh. Mir hend nur ein Trip chöne mache, denn obwohl d'Regeziit eigentlich scho het wöle verbi si, hets anschinend i dene Tage wommer döt gsi sind meh grägnet, als wered de ganze Regeziit. Defür het sich di eint Fahrt noch Cayafate würkli glohnt. Mer sind dur d'Quebrada (Tal) de las Chonchas (heisst eso, wel mo döt vil verschteinereti Muschle gfunde het) uf Cayafate cho.
... read more