Advertisement
Published: March 16th 2007
Nochere wiere Nacht im Bus, damol chli tuerer defuer bequemer, sind mir am 25. Februar am 7.00 in Santiago acho. Mir hend noch ewigem Aschtoh denn glich no e Taxi uebercho und sind ohni die gnau Adresse vom Hostel z'wuesse dur d'Stadt gfahre. Debi hend mir grad en 1. Idruck vo Santiago uebercho. Scho de isch noed sehr ueberweltigend gsi. Dank em liebe Taxifahrer hemer den s'Hostel Bellavista, wo ues im Gegeteil zu de Stadt uf Ahieb gfalle het, doch no gfunde. Am Nomitag hend mir ues ufgmacht Santiago z'erkunde. Gfunde hend mir noed viel, bis uf Unmenge vo Suessem, Glace, Ice Kafi, Waffle und Schlagrahm. Ansuschte isch Santiago eifach gross und voll vo moderne Betongebeude. Das chunnt doher, dass scho vil Erdbebe die Stadt heimgsurcht hend. Einzig verschont blibe isch d'Catedral Metropoliana am Plaza de Armas.
Am noechschte Tag sind mir chli durs Barrio Bellavista gschlenderet und hend ues den an Ufstieg zum Cerro San Cristobal gmacht. Noch einere Stund hend mir d'Jungfrau erreicht. (Statue ufem hoechschte Punkt, wo ueber Santiago wacht.) Vo doet hend mir e schoeni Ussicht uf die smogverhande Stadt und d'Ande gha. Irgendwie sind mir denn dur Mandel- und Eukalyptushain wido abecho und hend de recht
klaeglich Versuech en Milchshake z'mache gstartet. Am Obig sind mir chlienisch go esse. (pastel de choclo, humitas) Zum Aperitiv hets natuerlich en pisco sour geh.
De 27. Februar hend mir natuerlich ganz de Sabrina gwidmet.
"Scho am Morge frue hend mi d'Daniela und d'Barbara miteme super z'Morge gweckt! Sie hend sich riesigi Mueh geh und hen mi mit Toast, Ruerei, Schinke, Muesli und no vilem meh verwohnt. Bi Sunneschi und no agnehme Temperature hends mir ues denn uf de Dachterasse guet go loh!"
Denn sind mir ufbroche is Museum Arte precolombiano. Doet hend mir en guete Ueberblick ueber d'Kunscht und s'taegliche Lebe vo de fruene latinamerikanische Hochkulture vomittlet uebercho. Spannend isch au d'Temporerustellig ueber d'gorros del desierto (Huete der Wueste) gsi. Vo Chappe ueber Lederhelm bis zu Federchrone het me alles choenae beschtune.
"Zrugg im Hostel bini denn vo dene beide miteme selbergmachte Chaeschueche ueberrascht worde! Sie hend sich au do riesig Mue geh und hend de am Vorobig under schwierige Chuchibedingige uf de Tisch zauberet. Da isch also en tolle Geburtstagschueche gsi!!"
Am noechschte Morge sind mir go s'Museum bellas artes aluege. Es isch es schoens Museum mit moderne und historische Werk.
Am Mittag
hend mir den bereits de Bus noch Valparaiso gno. Doet acho sind mir de historisch Teil vo de Stadt go besichtige. Waehrend de Koloniasierig vo Suedamerika isch Valparaiso e riichi Hafestadt gsi und drum findet mo vil ussergwohnlichi und schoeni Baute. D'Stadt erschtreckt sich ueber 45 Huegel und um de Ufstieg z'erliechtere hends scho fruener vil ascensores (Lift, wies Muehleggbaehnli) baut. MIr hend gern defo Gebruch gmacht und hend ufem Cerro Alegre e schoeni Ussicht uf de Hafe , s'Meer und die farbig Patchworkstadt choene gnuesse. De Zuefall hets woelle, dass am Obig e Konzert vo verschiedene chilenische Musiggruppe stattgfunde ht. D'porteños (Bewohner vo Valparaiso) hend zu de patriotische Klaeng es riese Fescht gmacht.
Am Donschtig isch eis vo de Hueser vom Pablo Neruda ufem Programm gschtande. D'Idee vom Hus isches Valparaiso widerzspiegle. Es erschtreckt sich ueber 5 Stoeck und isch mit vilne usserwoehnliche Stuck igrichtet. Es isch sehr verwincklet, het abo riesigi Fenschter. (Kei Wunder het de Siech bi dere Ussicht so guet choene schribe)
Insgesamt het ues Valparaiso en schoene Idruck hinderloh im Gegesatz zu Santiago.
Advertisement
Tot: 0.072s; Tpl: 0.011s; cc: 10; qc: 61; dbt: 0.0479s; 1; m:domysql w:travelblog (10.17.0.13); sld: 1;
; mem: 1.1mb
Sonia Mexikanisima
non-member comment
aguusto ustedes!!!
He seguido sus pasos desde principio a fin esperando su llegada a México. De verdad veo todas sus fotos y me encantaría poder conocer todos esos sitios así como también mostrarles lo que pueda de México y la ciudad de Guadalajara que es donde yo vivo... aver si quieren y pueden venir claro... en mi casa tienen su casa por eso no se preocupen! espero verlas pronto sino... en verano de 2008 me tendrán seguramente en St Gallen. las quiero.