Friede, Freude, Pisco sour

---

La Paz

La paz erstreckt sich über 500 Höhemeter, s’Zentrum liet uf 3600m.ü.M und el Alto (e Vorstadt) uf 4100m.ü.M. S’erschte wo uffallt sind di nidrige Bachsteibayute wo sich rund um s’Zentrum a de Hügel durufziehnd. S’Zweite isch di unglaublich Azahl vo Taxis und minibüs wo’d Strosse verstopfed, es git nämlich fascht kei anderi Farhzüg. Mir hend üs vorallem i dem Quartier uufghalte wo wie ein riesige, farbige Marckt isch. Mir hend en Marathon dur d’Tourischtelädä gmacht, hend üs am mercado de brujería ä Pacha-Mama-Figürli kauft und am mercado negro (Markt vo de Iheimische)isch de Däni s’schöne, argentinische Lerder-Pot-Portmonnaie im Gerdränge usem Hosesack entwendet worde. Noch afänglichem Schock hemmer gmerkt, dass höchstens no 4.Fr. hend chönä drin gsi si (hehehe). Aber schad um’s schöne Portmonnaie!
Am Samschtig simmer d’Tempelruine vo Tiwanaku go aluege. Die Kultur het vor de Inkas de Ruum vo Bolivie, Peru, und Nordchile beherrscht. D’Ruine wommer sind go aluege isch mer immer no am usgrabe.

Coroico

3000 Höhemeter und 80km Weg vo la Paz hemmer üs es paar Täg Ferie gönnt! Über „the World’s most dangerous road“ simmer id Yungas inegfahre. Insgeheim simmer sehr froh das üsen Bus di neu asphaltiert Stross gn het und nöd di alt Sandstross. Uf dere stürzed nämlich au hüt no im Schnitt 26 Fahrzüg im Johr ab und einigi vili devo chammer au nüme bergä. So sind mir, ohni das üs würcklich gfohr droht het, im Hotel Esmeralda acho.
Üse Tagesablauf:
• Buffet plünderä
• Läse i de Hängematte
• Sünnele
• Ussicht gnüsse
• Bädälä im Pool
• Wider läse i de Hängematte
• Piscosour trinke
• Büffet plündere
• Lese im Bett
• Und schlofe
¡Ay que lindo que fue!

---

Photos

Lamafötä
Ufem Hexemarkt in La Paz. D'Fötä werdet under s'Fundament vomne neue Huus gleit. S'Söl s'Heim beschütze.

Monolith
De groescht Monolith vo de Tiwanaku isch 7m hoch. Er schtellt en Prieschter dar, wa mo dur d'Position vo sine Händ cha erkenne. D'Zeichnige uf de Statue hend ali spezielli Bedütige wzB. de Kondor wo s'Himmelsrich verkoerperet.

Puerta del sol
Archeologe hend usegfunde, dass puerta del sol en Kalender gsi isch, wo uf Basis vo de Sunne funktioniert het.

Search Däni!!
Tipp: i de Hängematte

Comments

[agi]

Lebenszeichen
Endlich wieder emol än blog-itrag. Was i aber vermiss, sind Föteli vo eu selber. I möcht doch gern gseh, wie brun ihr vom sönälä i dä Hängematte worde sind. Bi üs isch äs chalt und hät wieder ä chlini Schneedecki. Also kei Bikini-Wetter. I wünsch eu schöni Ostertäg und verstecked dä Osterhas guet.