Advertisement
Published: April 7th 2009
Chickenbus
do kasch alles kaufe...So Richtig schoe usgruebet simmer am Morge am 6gsi us am Huus. 1 Shuttle, 1 Minivan, 2 Chickenbus, 1 Taxi und ein Car spoeter simmer denn kurz vor Sunnauntergang
z'Gracias- Honduras akoh. Hell yeah. Jetzt kunnt no s'Bescht do hets kon Bankomat und mer hoend a da Grenza nu a paar Lempiras gwechslet. Toll, ohni Kohle gits ko Bier. Nei im Ernst, mer hoend grad no knapp s'Zimmer, z'Nacht essa und mit da letschta Dollar s'Busticket zahle koenna. Zum Glueck simmer do hindera gfahre... hrmpf. Mit am Chickenbus, da sind die ueblicha Bues womit di Iheimische reised, sprich 2 Plaetz sind foer 3 Persona, kaputti Fensterschieba und Platti Reife, simmer uf San Pedro Sula gfahra. Uf am Busbahnhof hets an ATM ka, juhu mer sind wieder im business. Auf gehts, richtig
Lago de Yojoa id D&D Brewery. Da isch an Ami wo usgwanderet isch, a Unterkunft het und do sis eige Bier braut. Es git normals, dunkels, apricot, raspberry, mango und amber Bier. Mer hoend alli probiert, natuerlich noed am glicha Tag, sind aber 4 Taeg do bliba ... da seit alles.
As het natuerlich no meh geh als nu Bier. Mer sind viel gwanderet mengmol au ungewollt will mer
Utila
Uesi handgross Nochbueri... gmeint hend zum Wasserfall segs a halbstund. Sind den aber 3h am tappa gsi, bi 35 Grad im Schatte, Mittagssunna. Typisch.
Jetzt simmer rief foerd d'Insla. Uesi erst Caribik- Insla isch
Utila island. Bekannt isch dia Insla vorallem weg am 2 groessta Reef vo da Welt, also zum tauche. Leider toer da Marco wegs da Ohra noed tauche. Somit hoemmer akli meh Geld foer a cooli Unterkunft usgeh. As isch woerkli an Traum gsi. Blick ufs Meer, Palma und jeda Obet an wahnsinns Sunnauntergang. A Wucha simmer do blieba und hoend akli d'Seela baumla loh. Schnorchla, Kayak fahre, baedala, wandera und natuerlich jassa isch uf am Programm gstande. Mer wuessed noed oeb er Sandfloeh kennid aber biessa toend die Siecha...
Bevor mer Honduras verloh hoend simmer no id Omega Jungle Lodge, 9km enfernt vo
La Ceiba. Di liegt amana River wo sehr bekannt isch foer White Water Rafting. As gseht akli us wia a da Magia im Tessin. Natuerlich hoemmer ues s'Rafting noed entgoh loh. Mit am Miles und am Nico mached mer akli Canyoning zum ues an Fluss z'gwoehna. Mer klettered ueber Felsa, schwimmed dor s'Wasser und jucked vo Felsa. Dia Felsa woered immer groesser. Da letscht
Utila
taeglicha Sunnauntergang puenktlich am viertel vor 6i jump isch den da Rahel zum Verhaengnis wora. Mer seged nu Arschbombe... autsch. Da het noch am rota A... vom schnorchle jetzt an blaue A... geh. 😞
Danoch isch s'Rafting los gange, cool d'Rapids sind zum Teil sehr hoch gsi und s'Adrenalin het d'Rahel s'Popo-Aua vergessa loh.
Di letscht Nacht hoemmer no moessa s'Zimmer wechsla und im Zelt schlofa. Isch no koga romantisch gsi, mit Kerzaliecht und Jungle-gruesch.
Advertisement
Tot: 0.124s; Tpl: 0.011s; cc: 7; qc: 47; dbt: 0.0577s; 1; m:domysql w:travelblog (10.17.0.13); sld: 1;
; mem: 1.1mb
