Advertisement
Published: April 6th 2009
Mer hoend Guatemala hinter ues loh und sind noch
El Salvador gfahra. Leider isch die ganz Busfahrt akli laenger gange als planed, somit simmer erst am halbi 6si i da Hauptstadt San Salvador akoh. D'frog isch oeb mer soellad do blieba obwohls akli turbulent zua und her goht do. Am noegsta Tag isch aeba da neu Praesident gwaehlt worda und d'Luet sind foellig us am Huesli gsi. Also hoemmer ues wohl oder uebel foer a Taxi entschieda, wo ues an 50min enfernta
Playa el Tunco brocht het. Es isch an strenga Tag gsi alles wommer ues no foer da Obet gwuenscht hoend isch a kalts Bier gsi... Dumm nu das di Noegsta 4 Taeg ko Alkohol usgschenkt wora isch us Sicherheitsgruend wegs da Wahle.... aaaaaahhhh.... S'Reise ka so grausam si.. 😱
Wil uesi Bliebi noed grad s'grand Hotel gsi isch und mer oepa 45 Grad im Zimmer ka hoend, simmer am noegsta Morge z'erst oepis neus go suecha. S'la Guitara het alles ka wommer ues g'wuenscht hoend:
Aircon, swimmingpool, Tischtennis, Billiard, TV-Room, Kuchi zum selber brutzla, Selbstbediennigsbar wos verbotenerwies au Bier geh het... yeepppiii , und an Sitzplatz mit Haengematte. Uesi Welt isch wieder im Lot und mit glaesiga
next Surfstar
Wenn nu das verroetterische Afaengersurfbrett noed so gross waer...Auga hoemmer gwechslet.
Uesa Bungalow het au no anderna gfalle. Mer hoends mit a paar Fledermues moessa teila, wo an riesa Laerm gmacht und ues uf Kopfkuessi gschissa hoend. Mit am Bett uf da andera Sita vom Ruum isch den wunderbar gsi... ab jetzt koend er ues Batman und Robin saega.
Da Oertli isch mega winzig gsi. Alles het sich um die perfekt Wella truellt. Also hoend o mer wella Surfa. Mit am Bamba und sim Kumpel hoemmer uesi ersta Surflession ka. Bim usipaddle hoemmer scho Riesaschildkrote gseh, cool surf with the turtels. Mer sind leider ko schildkrote und s'padle isch jo soooo astrengend. D'Rahel het vor luter Dorscht da halb Ozean usgsoffa, wenn sie wiederamol a wella verwuetscht het.
Nochara Wucha is den witer ganga... het ues super g'falla do. Au wemmer no ko Surfprofis sind.
Advertisement
Tot: 0.091s; Tpl: 0.009s; cc: 7; qc: 48; dbt: 0.0458s; 1; m:domysql w:travelblog (10.17.0.13); sld: 1;
; mem: 1.1mb
