Venezuela to Suiza

---

vo puerto colombia simmer am morge frueh, puenktlich abgholt worde. zrugg ueber die wunderbare berge und denn mit vollcaracho bis noch caracas. well die einti brugg dete im dezember zaemmekeit isch isches vo de stadt ah en beschwerliche waeg. je noch vercher hetmer bis fascht 4 stund wommer ohni wohl gad mol so eini het. however, mir hend wohl eher en glueckliche tag verwuetscht und i stockendem kolonnevercher simmer relativ guet durecho. dschlange wo i gaegerichtig gstande isch, waer denn beduetend groesser gsi...de arm taxi fahrer...am flughafe simmer denn so frueh gsi, wellmer halt vil ziit fuer de taxidrive iplant hend, dassmer nonig mol het choene ichecke, aber e schlange hets trotzdem gha und so sind mir agstande...nochem check-in no sehr fein go aesse im so typisch venezuelanische restaurant namens T.G.I. Fridays, smile. und suess hemmer eifach chli gwartet. sind chli d'dutyfree laede go abklappere und i dem moment, wo mir hend woelle e kaeffeli neh ruefeds min name us. so hani halt anstatt en feine kaffi ztrinke doerfe go miteme ach so sympathische señor vo de guardia nacional go uesi taesche durneusle...aber sie hend natuerlich nuet gfunde, wos hend woelle. well no jeeeni anderi die uebig hend doerfe duregeh (sogar usem flugzueg use sinds go luet hole cho) hemmer denn au suber 1.5h verspoetig gha und dodemit het di ganzi chette agfange. in madrid simmer denn halt au nuemm uf de flug cho (obwohl mir rechtziiti, aber halt seeeehr knapp dete gsi sind) so hemmer denn halt numol doerfe 8h ufeme flughafe haenge. aber wenigschtens hets aessensbons geh. aber so schlimm isches gar noed gsi und de bode vom madrid barajas au noed so schlimm zum druf schlofe. chch. de flueger i dschwiz het denn halt leider auno verspoetig gha und so simmer denn anstatt am mittag am halbi 12 am obig am halbi 8ti i de beloved ch acho.

wa ues denn in zh erwartet het, hetted mir nie denkt und hend mega freut gha, dass so e grosses empfangskomitee bereit gstande isch. sogar as chloeschti isch denkt worde und gnuesslich hemmer so je e flaesche versorged. nochig simmer alli zrugg i dsaint und doete hets im spanische clubhuus no e herrlichs naechtli geh...carajillo sei dank hends dfabi und ich denn au so lang dureghalte und wos denn irgendwie scho ganz frueh am morge gsi isch, simmer todmued is bett keit. immerhin sind gad mol laeppischi 50 oder nomeh stunde meh oder weniger uf de bei gsi...

bueno, jetzt simmer wieder do und de guellematch het au scho stattgfunde und es isch eifach herrlich gsi.

sodeli, jetzt moechted mir nuno allne homes danke saege wo an flughafe cho sind u/o nochig im spanier gsi sind. isch wuerkli de hammer empfang gsi und jo, jetzt isch halt die spannenschti lektuere vo de letschte 5 moenet verbi...i'm sorry und danke fuer ueber 1900 mol acklicke...

peace señor daniel y señorita fabienne

nos vemos chamos y mucha suerte!!!!

---

Photos

byebye...
mit traenen in den augen und der sonne im herzen...

Comments

[Schoefs]

so, so, jetzt chasch denn aber loker 30.- CHF pro monät verlange für dini site. mit dem paradearsch... :-) peace