Puerto Colombia

---

voilà, jetzt sind mir also bi uesem letschte ort vo de ganze reis aglangt. wuerd mol saege e bundigi wahl gsi. nochdem mir in merida vo uesne liebe kollege, am paedde und de andrea abschied gnoh hend, simmer denn mitem bus friedlich uf merida gfaetzt. isch noed mol so sehr chalt gsi im buesle, wie mir agnoh hend. smile. in maracay hemmer denn muesse oeppe 100 stund warte, bis de bus uf puerto colombia endlich abgfahre isch. isch halt ebe e wiili gange, bis de bus au endlich mit luetlis gfuellt gsi isch. aber egal...uf de siite vom henri pittier nationalpark wo zu maracay lueged isch swetter sehr regnerisch und starch bewoelkt gsi und mir hend eifach ghofft, dasses uf de andere siite vo dem pass andersch isch. und so isches gsi. zwor noed stahlblaue himmel, aber immerhin nur liecht bewoelkt und vorallem kein raege. dbusfahrt allgemein isch recht cool gsi. dstross wo ueber de pass fuert isch atemberaubend und zum teil so eng, dass sich zwei fahrzueg noed chend chrueze, aber da haltet busfahrer natuerlich noed devo ab, de bleifuess durezgeh. dur herrliche nebelwald goht die ganzi strecki und ebe, oeppe die bliit eim sherz echt fascht i de hose stecke. no bsunderiger isch dfahrt us dem grund gsi, well de busfahrerghilfe no eis, zwei mol het doerfe usstiege, zum mit de machete zum teil en ganze baumstamm faelle, wo uf dstross gstuermt isch. mir nimmed mol ah, dass churz bevor mir cho sind en zyklon oder sou duregfaetzt isch. item, in puerto colombia het denn die posada wo mir reserviert hend glich kei platz fuer ues gha und so simmer denn halt inne anderi. au glich. die letschte zwei naechtli...am nommi vom erschte tag denn gad ab an strand und bi fascht klarem himmel no paar stuendli meer und sandstrand gnosse. dwelle sind herrlich gsi und de strand isch wie usem bilderbuech (und mit ganz vilne venezuelanische tourischte ;-)). am obig simmer fein go aesse. wells kei strom gha het, simmer so unverhofft zumene candle light dinner cho. wonderbar. am donnschtig simmer denn noch usschlofe und emene herrliche zmorge imene friedliche kafi wieder an strand und hend eifach sletschti mol die herrlich karibik gnosse. stahlblaue himmel, herrlichschts wasser und friedlichs body-surfe. eifach de guss, aber leider isch ziit nur so dehigflosse und denn isch schowieder obig gsi. nochdem mir ueses taxi an flughafe organisiert hend, uesi siebe sache zaemepackt und duschet simmer no sletschti mol in venezuela go znachtesse. en wunderbare druegaenger mit fisch fuer mich und meeresfruecht fuer dfabienne. nochig simmer no schnell a d'malecon fuere und dete hemmer ues no die letschte artesanias gschnappt und sind denn zrugg is hotel. hm, the last night...morn am 8ti gohts los uf dheireis... :,-)(

---

Photos

schiffle...
parkplatz inmitten des flusses...

sletschti mol
underem palmebaum

in the waves...
wie gern hetti no tagelang witergmacht...

traumhaft...
so werded mir suedamerika in erinnerig bhalte...