Advertisement
Published: September 5th 2006
Edit Blog Post
chuelschrank oder was...
also die bues in venezuela...15grad isch scho chli chalt... sodeli, nochere fascht 20h busfahrt simmer endlich in merida acho. uesi befuerchtige, dassmer viellicht noed schnell e hostel findet hend sich noed bewohrheitet. merida isch wohl eini vo de haupt-touri-destinatione vo ganz venezuela, abgseh vo de angelfalls...whoever. mir hend denn i de posada suiza en platz gfunde. e herrlichi sach, mit schoenem innehof und schoene zimmer. hend ues denn e viererbude gschnappt. nochdem mir ues ipuffed hend und ues scho entschiede hend fuer en gleitschirmflug (swetter isch de hammer gsi) simmer no chli is staedtli. uf de suechi noch esse simmer denn bis zu de talstation vom teleferico gwatschlet. hend denn dete gad no gfroget ebs echt tickets fuer es faehrtli uf de pico espejo git, aber leider sich alles usbuechet gsi bis huete ziischtig. und well mir eigentli am mo. obig hend woelle witer, het sich da eruebriged. jaenu, aber mitere damn horde vo venes, waer da eh noed sglich gsi. so simmer denn spoeter oeppis go fuettere und hend ues denn zrugg is hostel gmacht. am nommi am 3 isches denn losgange richtig 'los gonzales'. doete hemmer no zwei witeri pilote ufgsammlet und sind denn uf de berg ufegfahre wo oeppe uf 1600meter hoechi gsi isch. noch churzem warte,
vorem start...
guten mutes bevors ab i dluft goht... well de wind recht starch gsi isch, simmer denn alli i uesi gstaeltli gstopft worde und hend uese helm agleit. nocher isches losgange...zerscht d'andrea, denn dfabienne und zum schluss de paedde und ich...ein noch em andere isch nochdemer agschnallt worde sind in die luefte gestiegen. isch eifach e herrlichs gfuehl gsi und die ussicht de hammer. leider isch aber nueme stahlblau gsi, doch hend die paar wolke de fun absolut noed truebt. noch ca. 40min fluege und einige piruette wo bim einte oder andere e choetzeligs gfuehl hervorgruefe het, simmer denn alli wieder heil ufem bode glandet. bevormer zrugg uf merida sind, hemmer no es bierli trunke mit uesne pilote (wo uebrigens allis scho a diverse orte i de schwiz gfloge sind). nocheme feine znacht simmer denn alli hochzfriede is bettli kroche. eifach herrlich gsi...! am samstig hemmer denn zu ehre vo de ch-nati sgrotteschlechti spiel gaege venezuela glueged. zum glueck het uese alexi lalas no e goal gmacht suess hetted mir ues denn recht blamiert gha. chch. suess hemmer de tag mit chli jassse esse und suesstige chillaktivitaete usgfuellt. am sa. simmer denn chli frueher is bett, well am sunntig hets tagesprogramm, canyoning gheisse. nocheme herrliche fruehstueck (wie immer
high above the ground...
wie im flugzueg, aber nur tuuuuusig milliarde mol freier... i dere posada) simmer denn vo uesem guide, am topo, in empfang gnoh worde und oeppe e stuendli irgendwo usserhalb vo merida higfahre. zaemme mit ues isch no en iir, wie er im buchesteht, mitcho...nochdem mir e abartig steili stross ufegfaetz sind hemmer denn uese usgangspunkt erreicht. ues i bademontur gschmisse und sind denn zfuess bis zum istieg in canyon gwatschlet...doete hemmer uesi neopren, uesen helm und sgsaeltli in emfpang gnoh und denn isches losgange. noch emene eifache istieg isch de ganz canyon immer luschtige worde. noch de erschte slides und jumps isch serschti mol abseile ufem programm gstande, aber da chli ueber 5meter felsli het natuerlich fuer keine vo ues, ussert vilicht fuer de pol (em iir). nocher isches immer so witer gange, jumps und slide. alles isch immer hoecher und spektakulaerer worde. au de 2ti abseilplausch isch denn scho oeppe 20 meter gsi und nochdems fuer jumps immer enger worde isch zum lande isch denn de finale abseiler cho. 35 meter oder chli meh...da isch eifach de hammer gsi und gekonnt hend mir ues alli wagemuetig paar etage witerabe befoerderet. isch wuerkli herrlich gsi und am liebschte waeri gad numol ufegange, aber da isch leider noed moegli gsi...chch.
¿listo?
¡¡¡corre y sienta te!!! noch dem letschte plausch hemer denn paar sandwich verputzt und sind denn oeppe 20min an endpunkt gloffe, wos jeepli schowieder uf ues gwartet het. isch echt de hammer gsi und i de ch werdi da sicher wiedermol mache. was aber noed ztoppe git, isch dlandschaft. so dschungelmaessig und gruen isches i de schwizer canyons wohl eher noed. voilà, e erlebnis fuer immer. am obig simmer denn no chinesisch go aesse und denn mued ab i dhaia.
am maentig isch denn en wandertag ufem programm gstande. mitem jeep simmer oeppe 2.5h richti pico aguila (de hoechschti pass vo venezuela 4100m) gfaetzt. hend vieli chlini koloniali doerfli choene bestune und sind denn finaly uf oeppe 3500 meter zu uesem usgangspunkt fuer e wanderig cho. leider hets mega gregnet und am paedde isches au noed wuerkli guet gange und drum hemmer us noch 20min wandere entschiede zum zrugg noch merida fahre. isch somit leider nuet worde mitem hoechschte pass und de kondorstation, aber het au nuet brocht. back in merida isch de paedde denn go pfuse und dfabi und ich sind i dstadt gange zum uese flug rueckzbestaetige. alles tiptop..und nochdem mir chli spaghetti und anderes kauft hend immene lade. hemmer ues e
wie ein vogel...
so frei und einsam, der sonne entgegen... feins zmittaegli zaubered. am nommi simmer chli i dstadt go shoppe und kaeffele und am obig noch dem i wohl sletschte mol uf spanisch han doerfe 'los simpsons' luege, fein go znacht esse. sushi...yesss! isch jo uesen letschte obig gsi mit dene liebe schwizer. :,-( de paedde het leider noed choene mitcho, aber gsundheit goht
vor...! bon, huete hemmer nochem zmorge uesi siebe sache packt und jetzt simmer no chli i de stadt. nochdem mir ues alli gwoge und groessi gmaesse hend, chaemmer guten mutes i eini vo de geilschte 'heladerias' vo de welt go ues e glacé go goenne...chch. het glaub ueber 300 sorte oder so...bueno...huet obig gohts denn am achti uf uesi letschti langi busfahrt im chuelschrank zu uesem letschte ort uf dere reis...puerto colombia...sniff...
Advertisement
Tot: 0.117s; Tpl: 0.013s; cc: 11; qc: 57; dbt: 0.0709s; 1; m:domysql w:travelblog (10.17.0.13); sld: 1;
; mem: 1.1mb
schoefs
non-member comment
lalalalala
werdet sicher nöd so bundigi sache undernoh...:-)