Advertisement
Published: July 31st 2006
am hafe vo belem
zwieble gfaellig?sodeli, jetzt simmer also scho bi uesere schifffahrt ufem amazonas aglangt. goht alles eifach unglaublich schnell vorwaerts. irgendwie schoen, irgendwie aber au schad. however. hend glueck gha und gemaess uesem guide (wo zwor chli veraltet isch) sbeschti schiff ergatteret. noed dasmer nochdem gsuecht hettet aber isch eifach nur da gfahre am huetige ziiischtig obig. mit gmischte gfuehl hemmer ues denn also zu dem ort gmacht, wos schiff gankeret het. isch eifach chli komisch gsi, wie die tickets verchauft wirded. so kei richtigi schalter und sou, nur mit haendler und drum halt ebe chli schraeg. aber egal. hend denn uesi versproche kabine uebercho und abgseh dervo, dassi munzig chli isch, isches aber voll okee gsi. e kajuete bett und e chlises bad mit integrierter duschi. langed vorig. dhaengematteplaetz sind wie mir agnoh hend, sehr usgfuellt gsi und mer het fascht kei platz gha zum sich bewege. vo dem her hemmer ues sicher richtig entschiede. zuedem hets ussert ues, 3 norweger und eim englaender kei nicht brasilianischi luet ufem boot gha, wa schono recht interessant gsi isch. planmaessig hetti da schiff denn soelle am 6i am obig lostukere aber wies halt so isch hends no tonnewiis sache muesse ilade. hauptsaechlich mehl, zwieblesaeck und
so hets usgseh
bevor mit abgahre sind... melone. mer cha sich jo de gschmack ungefaehr vorstelle. hihi. aber de isch schnell verweht gsi. chli nochem achti simmer denn endlich losgfahre. zerscht hemmer denn mol e suppe uebercho, obwohls gheisse het es gaebi nuet znacht am erschte obig. isch fein gsi, aber mir hend denn ues glich no e sandwich schmecke loh, wommer in belem kauft hend. serschti mol wommer per zuefall richtigs brot kauft hend. isch hammer gsi. aber da i de schwiz halt scho jeni mol besser. jo und so simmer denn losgfahre, tag us tag ih und manaus immer es stueckli noecher cho. am afang simmer nonig ufem rio amazonas gsi und am zweite morge denn hemmer de erreicht und er isch eifach abartig gross. da chammer sich fascht noed vorstelle. maengmol so breit wie de bodesee breit isch und eifach krass. es isch so idruecklich, da chammer gar noed beschriebe. waehred de ganze fahrt sind denn au immer wieder chlini kanus zu ues as boot anegfahre, wo zum teil sogar as fahrendi boot adockt sind und dete zueg verchauft hend (palmitos, crevette und und) anderi sind eifach zum boot anegfahre und hend ghofft, oepper woerft inne oeppis abe. vil hend au, sigs kleider, esse
kanus
sottigi sind maengmol as schiffli adockt. hihi! oder wa au immer. die lueetlis im kanu hend zum teil wuerkli so usgseh, wiemmer sich igeboreni vorstellt, wobi ich vernoh han, dasses denne ganz guet gaechi mit subventione wos vom staat ueberchoemed und au eifach suess. sie hend jo alles a lebesmittel i ihrer unmittelbare umgebig. am dritte tag hemmer denn en oeppe 6h lange stopp gmacht in santarem. de zweitgroeschte stadt im amazonas. doete hemmer endlich mol wieder oeppis anders choene aesse. isch doch saesse ufem schiff sehr eintoenig gsi. immer poulet mit riis und spaghetti und banana. aber egal. nochdem mer sich dra gwoehnt het isches gange aber isch glich chli schraeg gsi, mittag und obig immer sglich. chch. hend uese stopp in santarem gnosse. de geilscht isch no gsi, dass wommer so friedlich zum boot zrugggwatschled sind mir gmeint hend de siech fahri ohni ues ab. isch eifach so am wegtuckere gsi, aber schlussendlich nur fuere wendemanoever. chch. aber isch glich gad sehr e unagnehms gfuehl gsi. wer chli bloed gsi hetted mir da schiff verpasst. aber mir hends jo denn noed und dreis isch denn witer gange. am obig hemmer amigs ueses glaesli rum cola trunke und suess am tag viel glaese, gspielt und usgruebet.
arm
vom amazonas. de richtig bringtmer vo de breiti fascht noed ufs foti.
natuerlich simmer jewils e grossi atraktion gsi uf dem schiff. dchinde hend immer woelle mit ues mitspiele und die erwachsene mit ues rede. aber isch sehr schoen gsi und mir hend paar interessanti gsproechli gha. jo am sunntig i de nacht simmer denn in manaus acho. hend denn aber no doerfe ufem boot witerpfuse bis am morge und sind etz inne hostel gange. bliibed nur huete in manaus und morn gohts scho witer ufe 5 tages tour in amazonas...toend sehr abentuerlich aber mir verzelled eu denn wieder gneuers wemmers erlebt hend. chch. also amigos bye bye...
Advertisement
Tot: 0.132s; Tpl: 0.011s; cc: 13; qc: 57; dbt: 0.0792s; 1; m:domysql w:travelblog (10.17.0.13); sld: 1;
; mem: 1.1mb
myrtha
non-member comment
muess ä grossartigs erläbnis xsi si uf em wältgröschte fluss chönne dahi z fahre. schad isch nur, dass ihr de hafe vo manaus, im spezielle döt wo de wältgröschte holzumschlagplatz isch, nöd händ chönne fotografiere. witerhin e gueti reis. mapa