Belem

---

sodeli, nochere sehr abentuerliche fahrt vo são luis uf belem simmer etz endlich do. mir hend ues gluecklicherwiis fuer dtagesfahrt entschiede, well schlofe hettmer do eh noed choene. e stross wo zwueschedure loecher het wommer e halbs auto choend dristelle. eifach zkrass und i mein belem isch noed gad wuerkli en unwichtige ort, isches doch smuul vom amazonas und i nimm mol ah en wichtige hafe fuer alli gueter usem amazonas fuer di ganz welt. however. de zue chunt no , dass mir abeme gwuesse ort sogar no polizeischutz becho hend. isch scho krass. han mol i de zitig glaese, dasses uf dere strecki am meischte busueberfaell in brasilie git. aber isch au klar, bi dere fahrbahn, wommer nur chan schritttempo fahre. logischerwies hemmer denn auno en usgraubte und leerstehende bus gseh. miteme schuss uf dfrontschiebe, so hets zumindescht usgseh. however, ues isch nuet passiert. belem isch denn grad chli uebel gsi. e haesslichi stadt, abgseh vonere schoene halleformation am rand vom fluss, wo fuer di riche bestimmt isch. am sunntig wommer chli usegange sind zum mol go abchecke, wie da miteme schiff uf manaus usgseht hets kei menscheseel uf de strosse gha. gad chli gspenschtisch gsi. however. shotel wommer zwickt hend isch gad au e riiese bruchbude gsi, aber offebar isch da chli standart do. however. noch druene taeg chaemmer jetzt huet obig endlich witer. ziel manaus und da miteme schiff wo gemaess uesem guide sbeschti uf dere route soell si. mir werdeds gseh, hend ues e kabine mit eigener duschi und wc zoggt. zuestaend uf dene boot soelled amigs noed wuerkli hygienisch si. und mit ere kapazitaet vo 300 luet, chammer sich da jo au vorstelle. eigentli hemmer ues zerscht woelle fueren haengematte platz entscheide, aber nochdem mir vernoh hend, dass da teilwiis recht uebel sig. wellmer recht ipfercht isch, hemmer ues jetzt fuer dluxusvariante entschiede. denk es isch richtig gsi so...a ver. sodeli, i oeppe ere wuche gits denn de blog dervo. adee....und jo, bilder gits kei vo belem...isch ues eifach zunsicher vor cho mit de kamera umewatschle, aber het ehrlich gseit eh nuet wuerklich interessants geh zum abknipse ussert jeenschti stapel vo amazonas holz wo am hafe glageret sind...also até logo...

---