Advertisement
Published: August 6th 2006
Edit Blog Post
teatro amazonas
im hintegrund und vorne das beruehmte bodenmuster, das wohl in jeder stadt von brasil zu finden ist... sodeli, zerscht no ganz churz zu manaus. mir sind jo denn a dem tag wo mir tour buechet hend no chli i dere stadt umegwatschlet. im grund gnoh nur im zentrum. dstadt selber isch jeeenes vil groesser. eigentli isch dstadt aehnlich draeckig wie belem , aber het eifach zum teil no schoeni flecke und vorallem isch sie noed so gottsverlasse wie belem, i de naecht. was do in manaus het, wos sicher zerwaehne gilt, isch sopera house 'teatro amazonas'. zur ziite wo de nutze vom kautschuk extrem ufcho isch, isch au manaus en extrem wichtige flecke uf dere erde worde und drum hends denn do 1896, noch 15 joehige bauziit (wells alles material vo europa importiert hend) eroeffne. es isch echt mega schoen. leider hemmers verpasst zum da ganze no vo inne zgseh. vorem opere huus hets en platzt mit denne fuer brasilie typische schwarzwiise muschter. da soet szaemmetreffe vo de beide fluess, rio negro und rio amazonas symbolisiere und isch denn in ganz brasilie kopiert worde, aber do in manaus als erschts gmacht gsi. am obig simmer binere herrliche churrasceria go aesse und denn isch denn scho de 1. auguscht cho und waehrend ihr alli fuerwaerch abloh hend, a nei
machete
e unerlaesslichs hilfsmittel im jungel ihr hend jo gar noed doerfe. chch. sind mir mit taxi und bus zu uesem usgangspunkt fuer uesen amazonastripp gfahre. de bus isch wienen chuelschrank gsi. wie immer. da mue au mol no erwaehnt si. however. im doerfli 'vila lindoia' sind mir denn vomene boetli empfange worde und zue uesem campamento gfaetzt. isch fuer eimol e ganz schnells boetli gsi. doete hemmer denn uesi haengematte in empfang gnoh wo mir die noechschte naecht drin verbrocht hend und nochdem mir ues churz im 'rio urubu' erfrischt hend hemmer scho de erschti zmittag uebercho. isch lecker gsi. am nommi isch denn wiedermal piranha fische agseit gsi. damol mitere chli andere technik (anstatt ruette hemmer eifach e pet-flaeschli gha) bini sehr erfolgrich gsi. 3 fisch usezoge. sind chli anderi gsi als im pantanal. aber git jeenschti piranha forme. au dfabienne het wieder reuesiert nur uesi beide italianos (also eigentli ein italo und sindi brasil frau, lebed aber in milano) hend kein usezogge. sind so richtigi luxustouris gsi, aber ganz netti sieche. however. denn uf uesem boetli hemmer en herrliche sunneuntergang gseh und sind denn mit de beute wieder heituckeret. zum znacht hets denn natuerlich dpiranhas geh und sind no fein gsi, obwohls noed
aufm boot
mirzwei und die welt... wuerkli vil hergind. am zweite tag simmer denn am morge zerschtmol ufe chlini wanderig in wald gange, wo ues paar medizinalpflanze erklaert worde sind. zum bischpiel gaege chopfweh oder buchweh. nimm ah es het no tausendi meh, aber uese guide isch halt chli sparsam mit de infos gsi. nochem mittag hemmer denn zerscht e heftigs gwitter muesse abwarte und nochig simmer raus in denn wald gefahren. oeppe 2.5h ufem boetli. zerscht dur de schoen breiti fluss und denn isches immer enger worde und mir hend ues muesse vor aeschtli und jeenschtem andere gruenzueg schuetze. chch. aber sich ganz e schoens faehrtli gsi. wenn au sbaenkli vom boot chli hart isch, wird uf all faell no schlimmer. gad bi vor mir no alles zueg hend choene uslade isch denn wieder en riiise regeguss abeprassled (de regewald wird sim name also meh als grecht, chch). uese guide het denn mit de machete jeenschti baumstaemmli umgjassed und schlussendlich hemmer mit simpelschte mittel undere grosse blaue plane e herrlichs understaendli gha wommer am schluss no all uesi haengemattene ufgspannt hend. leider hets denn nuet znacht geh, aber dfabienne und ich hend ues scho zhelfe gwuesst und ues eifach usem voratssack mit gmues und sou
bedient. im schimmernde cherzeliecht. de guide het wohl die geilschte cherzestaender vo de welt baschtlet. hemmer denn am gsang vom dschungel zueglosed. isch recht speziell gsi. au zum denn i de nacht schlofe. ischmer doch irgendwie glich chli aengschtlich, weissmer jo nie wa eim fuer tier guetnacht saeged. chch. (immerhin hets jeenschti spinne, froesch, krokodils (heisset do 'schakares'), leoparde, kobras und anderi schlange. jojo) am morge sind mir denn aber glich wieder alli heil ufgwacht und hend ues nocheme herrliche fruehstueck wieder uf e dschungelwanderig gmacht. isch wuerkli so, wiemer sich de dschungel vorstellt und mir wuerde ues so bitter verirre, aber uesen guide haet sich beschtens choene orientiere. und da nur ahand vo de sunne. ganz krass. has denn binere andere wanderig au probiert und einigermasse isches gange, aber moechti da glich noed muesse ellei mache. jojo. noch de wanderig hemmer uesi sache packt und sind zumene straendli am fluss gfahre. doete hemmer ueber em fuer paar stakes grillt und huehnli. dezue riis und salat. herrlich gsi. und au uesi erschti flussduschi isch faellig gsi. auno speziell. zu de fluess gits no zaege, dass die alli jeeenes gross sind, uf de landcharte aber sehr chli usgsehnd, aber uesen rii
um einiges topped. isch scho krass. aber isch au regeziit jetzt und gemaess infos vom guide gits im winter. also denn wenn bi ues au winter isch, zum teil orte wo kei wasser meh hend (jetzt aber bis zu 10 meter tuef sind) schono krass. however. nochig simmer zrugg zum campamento. hend die beide italos usglade. sie sind ebe nur 3 taeg cho und sind nochig wieder wieter zumene andere camp. de waeg zu dem ort isch wieder mitem boot zrugggleit worde. damol hemmer aber sehr viel muesse leischte. teilwiies het uese guide de weg sogar muesse freihacke, kein durchkommen, wells irgendwelchi umgstuerzti bauem im weg gha het. aber isch geil gsi und mit sich chli buecke oder strecke hemmers den au gschafft. het sich glohnt. es isch no viel herrlicher als da vom letschte obig. und damol hemmer au choene unter freiem himmel penne, was ganze no vil spezieller gmacht het. nocheme wietere feine zmorge simmer denn wieder ufe wanderig. hend sogar chlini aeffli gseh. hihi. wammer au immer wieder gseh hend isch schoen suber gschlages holzgsi wo zum teil scho perfekt zuegsaeget gsi isch. aber da isch, so het ues de guide versicheret alles nur fuer die iheimische,
jane
olioliooooooliolioooo, hend de tarzan leider noed troffe, aber egal...chch zum ihri huesli baue und die doerfed au was sie bruched abholze. sind jewils au nur chlini fleckli gsi und gemaess am guide sine infos hegs i dere region wo mir gsi sind au kei riiise abholzigsfelder. aber weisses halt noed. mer muesstis ganze vo obe gseh. sschoenschte aber wommer wohl uf dem ganze tripp gseh hend sind blaui schmetterlin oeppe so gross wie e poschtcharte. meeega und auno delfin wo do botos heissed, wells groesser sind als die normale delfin und en rosarote buch hend. wuerkli schoen. am letschte tag simmer denn, nochdem mir wieder im camp zmittag gaesse hend zunere familie gange wo dete am ufer vomene fluessli wohnt. also sind noed indios gsi, mit chriegsbemalige und so, aber isch sehr interessant gsi, wie sogenannti nativos dete laebed und ihren tag verbringed (jage, fische, usw.) wo mir acho sind hends gad jeeenschti palmeblaetter agschleppt, wells sdach vom chline huesli neu hend woelle decke i paar taeg. sanderi het usdient. noch drue johre. mega lang. isch sehr e schoeni erfahre gsi und dluet sind super herzlich gsi. vorallem natuerlich die beide chinde hend sehr viel freud a ues gha. hm. mir hend denn doete uebernachtet i ihrem huesli und
holz
extra fuer di fotografiert, liebe papi. zum geburtstag. chch. happy birthday. am andere morge nochere letschte chline dschungelwanderig simmer denn zrugg zu uesem usgangs-campamento. doete hets zmittag geh und bevor mir ues denn ganz uf de ruckwaeg noch manaus gmacht hend, hemmer zaemme mitem guide no e blosrohr baschtlet und die entsprechende pfiil dezue. isch mega cool, so hemmer no e souvenir vo uesem tripp. funktioniere toends au perfekt. dfabienne het da miteme gezielte schuss uf mini wade beschtens bewiese. het no recht gfuehred. zum glueck hets kei froschgift dra gha (so goend naemlich die iheimische go jage und tier sind denn gad tod). hihi. however. nochdemer ues miteme bierli vo uesem guide verabschiedet hend simmer denn wieder zrugg uf manaus und huet obig gohts uf boa vista und vo doete uf venezuela...etz moemmer also wieder s'spanisch fuerechrame...uuu. hasta luego....
Advertisement
Tot: 0.13s; Tpl: 0.016s; cc: 9; qc: 57; dbt: 0.0647s; 1; m:domysql w:travelblog (10.17.0.13); sld: 1;
; mem: 1.1mb