Advertisement
Published: February 7th 2007
Edit Blog Post
Hey Dudes and Dudettes
Ganz ehrlich, de Iitrag wird wahrschinlich recht komisch. Ich han grad ziemlich
Mueh mich zkonzentriere wil hinter mir so e dureknallti Japanerin voll d Karaoke
Action durezieht. Mit irgendwelche japanische Pokemon-Heuler natuerlich.
Ich und die andere Luet da im Internet Kafi verbaesets all 5 Minute wenn sich
ihri Stimm wieder hoffnigslos ueberschlaat hehe.
Huet bin ich uf Rangitoto Island gsi, en Vulkan wo erscht vor ca. 600 Jahr usem
Meer gstige isch und huet langsam aber sicher vo neue Pflanze ueberwucheret
wird. Haet echt geili Waelder dete und Hoehlene i de Lava inne. Naechscht
mal wenni is Internet Kafi gange nimmi au s Kabel mit denn gits endlich die
lang ersehnte Bilder. Es isch super warm da unne, ich han grad es duetsche Paerli
kenneglernt und sie meint so, sie hegi sit Wiehnachte kei langi Hose me agha =)
Ich bin jetzt oeppe 2 Tag in Auckland und wirde morn scho langsam wiiterzieh richtig
Norde. Det gits de 90 Mile Beach und d Bay of Islands. Mues mega schoen sii, ja guet
ich wirds usefinde. Denach wird ich wahrschinlich no e Wuche zwei uf de Nordinsle blibe
und denn langsam Richtig Suedinsle abe woni
denn chli meh Ziit wird verbringe und mir
die ganze National Parks wird go ahluege. Ich bin scho mega gspannt, die Insle huet
isch scho richtig cool gsi aber det unne mues es ja unglaublich schoeni Plaetzli geh
wenn mer so de Bilder glaubt.
Also ich mues jetzt mal i die Karaoke Bar uebere, das gits ja noed. Das muesi mer uf
jedefall us de Naechi go ahluege.
Bis bald und halted d Ohre stiiff
Manuel
Advertisement
Tot: 0.045s; Tpl: 0.01s; cc: 7; qc: 24; dbt: 0.0271s; 1; m:domysql w:travelblog (10.17.0.13); sld: 1;
; mem: 1mb
Zöttel
non-member comment
seeit
Gseht megacool us dini Höhle- und Inselforschige.