Advertisement
Published: January 27th 2013
Edit Blog Post
Fragata Puente Sarmiento
Bekannts Frachtschiff vom Jahr 1897 bim Puerto Madeira Uuund scho isch au de ersti Schueltag ade "Expanish-School" iträtte. Resp bini e halb Stund zspaat cho wils gaar nöd eifach isch zBuenos Aires bezite noimet zsii! Die wuche händ mini Appartment-Koleginne un ich drum echli usprobiert was für Möglichkeite dases git, sich in Bs.As fortzbewege.
-Mitm Bus (dFrag isch rächt of no wele, sgit über 700 und nöd wüki en übersichtliche Fahrplan - wo fahrt er - wänn chunter - ...)
-Subte, womer chum cha schnufe wils SO vil lüüt drin hät und bi 30° scho ade frische Luft ischs im Zügli nöd grad chälter 😉 Defür hätmer usserhalb vo horas puntas (rushhour) imer witzigi Unterhaltig. Zum bispil extrem schlächti, ohrebetäubendi Saxophonspiler, gueti Schauspiler (ha nonig verstande um was es gange isch:D). Zum Gäld isacke nachm Entertainment schickeds aml ihri meega herzige Chind, wo d Rundi im Subte mached und allne Fraue es Küssli ufd Bagge gäbed ide Hoffnig dass öbis überchömed..
-Nomal e Alternative isch laufe, gad öbe drüviertelstund aber isch grad en gmüetliche Morgespaziergang und mittlerwile getrau i mi sogar ohni Stadtplan id Schuel ga 😉 yehaa!
La profesora isch eh mega Powerfrau, und si motiviert voll zum spanisch lerne! Mir händ Schuel vo
Casa Rosada
Don't cry for me Argentina! Evitas Balköönli =) 9 - 1, das isch aso lockker ufm hocker und am namitag hämer imer no schön ziit zum öbis unternee.
Zum Bispiil bini am Mäntig mit 3 französische Kolege/ine uf
Puerto Madeira, en mega schöne Hafe bi Bs.As und händ det es Dulce de Leche Helado (Glacé) und es Quilmes Bier (Argentinisch gebraut) gschlürft. Dulce de Leche toppt scho fasch mini Liebi zude Schoggi, so öbis wie Caramel aber no vilvilvil süessser! yummmiie =) A anderne Täg bini ellei chi ide Gegend go umeschlendere zum mich chli orientiere.
A anderne Namitäg bini mit de Nadia, Sara und ihrem Kolleg, Lisandro in
Zoológico (Palermo),
s Grab vode flotte Evita go bäugle und in Usgang in
Niceto Club au in Palermo. Det gad dänn sZäpfli ap säg ich!! Hät e cooli Band gspilt wo heisst "Militante del Climax". Gueti music, spiled funkygi und reggaeigi sache. Öppe am halbi 7 simer heicho und de ganz Samschtig tüüüf pfuusd zu schräge Nachbers-Saxophon-Kläng und bällendem Minipuddl (Nachberhündli) oder so 😊)
Am nägste Abig hämmers ächli ruhiger in Agriff gno und sind uf Palermo (Usgangsviertel, eher ächli schigg) go Znacht ässe und sind im Aschluss bimne hübsche Platz hereghöcklet und händ Lüüt beobachtet.
Zoológico-Tierli
Die Tier sind überall im Zoo am frei umelaufe, gsend ois wie en Mix zwüsched grosse Hamster, Füdli vome Reh und de Rest vom Körper chönt vome Haas si. Das ganze zimli unproportional ergit das Tierli wo niemer weiss wies heisst! Zum Biispil de alt Maa wo sin Hund wi sini Frau behandlet hät (siehe Föteli) 😊 spöter sind dänn no Lüüt uftaucht wo trummlet händ und dFraue dezue Murgo tanzt (traditionelle uruguayanische Trommeltanz).
Advertisement
Tot: 0.048s; Tpl: 0.011s; cc: 7; qc: 24; dbt: 0.0209s; 1; m:domysql w:travelblog (10.17.0.13); sld: 2;
; mem: 1mb