Lake Powell

---

Dr Morge het mol wieder mit ere Schlacht am Buffet und eme Kampf ume Tisch agfange...
Nochane sin mir für dr Donnstigmorge (hüt und Mittwuch sin bereits usbuecht gsi) e Tour durch dr Antelope Canyon go bueche.
Mir sin denn in Shop näbe dra und hän e Bootstrip über dr Lake Powell und in Antelope Canyon für hüt buecht. Und das isch denn am halb 11i los gange, binere Bruetshitz (fast 40 Grad) hän mir zum Glück chli im Schatte könne sitze!
Aber es isch suuupeeer gsi!! So toll, wie sich do dr Colorado River über die letschte Joortuusig dure gschlänglet und dr Stei so gformt het!! Eimol meh: wunderschön!!!
Nach dr Bootstour hän mir uns entschiede mol im Lake Powell go bade und sin drum rasch unseri Badesache im Hotel go hole und Richtig Antelope Marina gfahre. Dört hän mir uns im Restaurant z'erst super-fein gstärkt (und grad für morn Obe en Tisch reserviert) und sin denn ins küehli Nass. Es het zwar au do viel Lüt gha, aber es isch def. anderst gsi, als imene kleine, überfüllte, verchlorte und vor Sunnecrème schimmernde Pool!!
D'Felicia isch wieder eimol meh fast nid us em Wasser z'becho gsi... Wurum schloft das Kind denn amigs am Morge nid länger?!? Sie verbrucht doch sooo viel Energie!!
Zum Glück hän mir's denn doch no gschafft und sin nach em Dusche eimol meh SEHR guet go esse!!
Für morn am Morge hän mir jetzt dr Horseshoe Bend plant und luege, was uns am Nomidag no gluschtet.
Euch schigge mir e diggs Druggi.
Und am Nonno: HAPPY BIRTHDAY!! Gniess din Dag! Hän di fescht lieb!!!

---