Advertisement
Published: January 25th 2008
Edit Blog Post
Godbye Southamerica!
nacheme ruihge obig bi paar anderne volunteers (die meischte sind scho weg gsi zum wiehnachte am strand z verbringe), gods am morge frueh am foifi los richtig alabama. In uusicht isch en zimli enge waechsel in huoston (30min!!), was soviel heisst, dassi de aschluss mit 90% verpasse werde, dezue no dass am diego sin gaschtvater z frueh mit emene flugzueg uf atlanta cho wuerd. s glueck meischtens uf minere siite, passierts dass de flueger e stond fruehner achond ond ich gueti chance han de flueger z verwuetsche.. immigration isch maenscheleer (no nie passiert ond no nie ghoert devo), was aber au wieder beduetet dass die gnueg ziit hend. han ide hascht vom packe min uusdruck vom round the world ticket nid is handgepaeck ta, und wennmer kein retour oder wiiterflug het, machets zimli stress, was' au gmacht hend! typisch ami, wott alles wuesse, was eltere machet, wer alles zahlt, wases choschtet, wievell gaeld dassi han, woher dassi chome, wie dassi gfloge bin, woni gsi bin,.ect. am endi lahtermi denn doch no iireise, schicktmi aber als dank no dur d extra kontrolle. kaenni jo scho. s ganze gepaeck wird usenand grupft ond ufs chlinschte detail dursuecht. natuerlich wott denn
de officer au wieder alles ganz gnau wuesse, so dassi als zwoit letschte ond i eim stress de flueger 10 min vor abflug no erreiche! (zwuesche dure vode stewardess s handy usglehnt ond bscheid geh, dassi raechtziitig bin> eigentlich nor dur de taxidriver mit em golfchare dur airport:geili sach!)
dogo dete, alles palleti ond geil aentli wieder mal es vertrauts gsicht z sgeh!! mit emene riise partybus (nor fuer ois zwoi!;-) faetzemer zumene chlinere airport uebere ond werded det vom gill mitere cesna abgholt. nice one, ide nacht ueber atlanta los z fluege, dogo am rueder (mued, letscht nacht party ond sitt 4 moenet nuemm gfloge;-) aber alles tipptopp gange.. d michelle ond de gill sind voll nett ond mer cha sich wie diheime ond ide ferie fuehle. 1st thing to do: have beer:D, was denn suscht womer bis 21 nid trinke doeff..
xmas isch crazy. ide nacht hemmer fuer de robbie (6yaers) saemtlichi "grossi ond chliini" gschaenk uufbout oder in chilloutroom bracht. de robbie isch voll verwoehnt ond bechond sovell gschaenk wien ich wohrschinlich i minere ganze chindheit becho han!! (underanderem saetmlichi chliini football helmets, en football chleiderchaschte, en airhockeytable!, vell starwars sache ond en psp (portable)!! en saechs
jaehrige...!! naja, isch cool wiener sech am morge froit ond wiener die verschobni couch vorem kamin/die fehlende cookies vorfindet. Dogo ond ich bechoemed au vell sache. hets voll nid erwartet, voll geil. vell chleider *(was es problem si wird in nz, australie. han scho vell z vell jetzt..😞 alles in allem wohrschinlich meh als 170$!!, ond i han sie erscht grad kaenne glaernt)
s huus isch gigantisch (mis zimmer 8x5m mit riise tv, wc ond shower), grosse garte ond grad naebeme wasserschutzreservat glaege. beautiful am morge, wennt d wildgaens umeschwaderet ond nabelschwade umetriibet! mer fuehlt sich wie im hotel.
die ganz ziit nor aesse ond fuul umeligge, mit em robbie spile ond eggnog mixe(eierlikoer mit whiskey, very tasty!) nach paar taeg ischmer denn scho raecht uebel gsi(vom aesse) ond bin meischtens zwuesche wc ond chuchi umegloffe. d amis fuehlet sich raecht chrank ond alt(obwohls nonig sind), hend aber voll umgstellt uf diet-stuff. schmoekt aber voll nuemm, alles ohni zucker, also nor wasser, gschacksverstaercher ond farb..
da mer det billig fluege chan, simmer fascht jede zwoite tag mal en chliini rundi go fluege. s highlight isch sicher gsi, dassmer "schnaell" mitere cesna 200 miles gfloge sind zum zwoi chueche abhole!
voll fein gsi,aber s huusmeitli heds denn doch no gschafft d haelfti vom einte uf de bode z schmeisse..:-)
ide usa isch alles so ueberdimensioniert, mer hed platz fuer alles. alli trucks sind riesig ond einigi europaeischi chilwaege erschiened winzig. natuerlich hemmer ois au nid entgo lah ines drive-in restaurant z fahre. im summer choemeds maengisch mit de rollschueh..bi dere chaelti hemmer aber nor icecream gaesse. drive-in bank kennets au, typisch ami. per rohrposcht chasch dini charte duregeh und per gaegespraechalag chasch dini "bestaellig"dure geh. great american dream has become true: you don't have to leave your car anymore!;-)
Miami:
Mer send mit de groessere twin engine cesna 414a ueber noijohr uf miami gfloge. great. mal chli was anders als mit linieflueger oder chline cesnas uf 1700 fuess z fluege. eigentlich isches in fort payne relativ guets ond warms waetter gsi, aber z miami ustiege ond totals summer feeling z ha, isch denn scho wieder was anders. south beach, that's the place to be. mer sind imene hotel ade main beach, bitz noerdlich vo southbeach, aber mit em bus liecht z erreiche. public bus isch was fuer armi, ond mer send zum teil die einzige wiise im bus, egal,
mer hend es gaudi devo ond choscht eh nor 1.5$. anyway, mal in south beach acho, gods ab: ein club nachem andere, so vell los ond am abig eifach nor models am start, crazy. aber mit under 21 isch da nid vell z welle, so vell schoeni fraue (vom uussgeh, charakter zaehlt ja meh, logo) uf eim hufe vorem club; da gids der eifach oepis. spoeter hemmer im internet chli recherchiert wases so choschtet: 250$ einzel iitritt, 2500$ en tisch fuer 6 + en flaesche wodka, aber nor bis am eis, denn choschtets nomal so vell bis am foifi (zumindschet am 1.1)..
mer laufet nor chli dur d gaegend dure ond reget ois uuf, dassmer kei fake/id organisiert hend.
am erschte tag womer zum meer waend go bade, isch au alles zimil hektisch: s hotel voll vo polizei, alles chli abgsperrt ond en liiche naebem pool, mer choend meine mer isch inere folg vo CSI Miami. halb so wild, aeltere maa herzinfarkt ond denn usem pool. s meer isch geil, vorallem waemmer dra daenkt, dass gwuessi luet ide chaelti am schaffe sind;-) uusicht im hotelzimmer grandios ueber de atlantik, bier im chuelschrank (extra mitgno us fortpayne) ond busstation vorem hotel.
a silveschter haemmer eigentilch ane bucht welle, wo vell studis am strand umehaenged, aber als mer denn im bus ond im stau gstande sind, hani denn muesse waegem bier en pause in southbeach iilegge. hell was that hard to find a toilet! mer hends denn eifach chli gmuetlich gno ond s fuerwerch am strand beobachtet..
Advertisement
Tot: 0.048s; Tpl: 0.012s; cc: 10; qc: 27; dbt: 0.0277s; 1; m:domysql w:travelblog (10.17.0.13); sld: 1;
; mem: 1.1mb
Danilo
non-member comment
du sack
Du sack, ich gönn ders voll ned! ;-) got jo andersch ab. hebs am beste!