Advertisement
Published: June 10th 2012
Hüt hämmer usgschlafe und sind denn uf zimli direktem Wäg ad Underground Station in Pinner gloffe. Mit de Metropolitan Line simmer den bis Baker Street und vo det mit de Bakerloo nach Picadilly Circus. Zägg simmer zmitzt im Zentrum vo London gsi und hend mal grooossi Auge gmacht. Eine het Dudelsack gspillt, es hät nach Sprache us allne Länder tönt und d Hüüser sind de wahnsinn. Au e riisigi LED Wärbig het nöd dörfä fählä.
Nach dem mer eus chli beruhigt hend vo eusere Überfroid simmer den los gstiflet richtig Trafalgar Square, eifach igend e Strass durab. Zimli bald simmer den vor de National Art Gallery gstande und händ über de Square ine glueget. Es isch wükli beidruckend, all die alte Gebäude wos in London hät, mer chunt sich vor wie im Museum.
Nachdem mir de Square usgibig erkundet händ simmer witter gwanderet richtig Big Ben und Westminster Abbey. Es isch mega spannend eifach z fuess z laufe und z luege wases alles fü Lädeli, Kaffis und Hüüser dases hät. Mi sind den under anderem ade Downing Street 1 (da wohnt de Prömié Minister) und em Cavalary Museum verbi cho, wo gad Wachablösig gsi isch. Das isch wie es
Theater, aber die nähmed das also rächt ernst und de Wachmeister isch aso sehr sträng i sim Ton 😊
Dänn simmer am Parliament Square acho und hend natürli de Big Ben und s House of Parliament gfötelet. D'architektur vo dem Gebäude isch wunderschön. Wiiter simmer den zude Westminster Abbey (ja det het de Prinz William sini Cate ghürate), und die hät den auno glüütet, das hämmer eus natürli nöd entgah lah zum lose.
Nach eme churze Päusli simmer den richtig Buckingham Palace gloffe, leider isch de Platz devor no gspärrt wills Tribühne münd abbaue. Vo da hämmer en Abstächer in St. James Park gmacht, wommer näbst Änte und Gäns au es sehr frächs Eichhörndli troffe händ. De Park mit em chline See isch extrem gmüätlich und mär märkt fast ned dasmer inere Stadt isch. Dadruff simmer uf de Paradestrass den wiiter spatziert und hend schomal für de Queen ihri Geburiparade güäbt 😊 Überall sind no di riiisige Fahne ghanget, abr d Queen isch ned im Palace gsi.
Dänn hätt eus de Hunger uf em Wäg richtig Oxford Circus inn än Subway tribä und de Herr hinder de Theckä isch ultra fründlich gsi ("You like some onions darling?",
"That makes 5.30 darling", "Thank you darling, enjoy your meal darling!") 😊 Nach dem churze Zwüschestopp hämmer den d Oxford Street erreicht, die ultimativi Shoppingmeile! Mer lauft und luegt und d'Auge gheied eim fast usem Chopf. Es git da aaaales wo mer sich nume cha vorstelle und au nöd vostelle cha. Es hört nümme uf und mer isch nunno "oh lug mal das, und lug mal deet..."!
Zu gueter letscht simmer den in Primarket inä gloffä und eus isch fast s Härz stah blibbe: s'Paradiiiiiis 😊 chleider, schueh und klimbimm wommer ane lueget und das zu priise da wird en Schott zum Shoppingking! Nach öppe 5minute isch klar gsi: 1. Mir chömed wider, 2. mir bruched en zuesätzliche Handgepäck-Koffer, 3. Mir mached e limitte ab womer usgäh wärded, und 4. mir bruched gfühlti 24h zum shoppe 😊 Mir händs den doch wider usegschafft und sind no öpe 10minute nachr völlg usem hüüsli gsi (vor allem iiich).
Dänn hämmer eus uf de Rückwäg gmacht zum im Pub in Pinner Fuessball luege. S Pub isch de hammer mit ere riiise Linwand und es git feine Strongbow (Cider). Nach de erste halbziit simmer den richtig Heiwärts gwatschlet und hend eusi Bei
Cavalary Museum
dä arm cheib uf dem ross und das arme ross!zimmli gmärkt. Da hets denn en super feine Z'nacht geh (Lamm a Minze-Sauce, Härdöpfel, Rüäbli und Broccoli anere feine Sauce und natürli de noi lieblings Dessert: Rhabarber mit Crumble!!!)
Ez druckemer Irland nochli de Tuume und morn gahts den ab id Schuel.
Stay well und liebi grüäss 😊
Advertisement
Tot: 0.245s; Tpl: 0.015s; cc: 10; qc: 48; dbt: 0.2037s; 1; m:domysql w:travelblog (10.17.0.13); sld: 1;
; mem: 1.1mb
