Vorem is bett gah no en churze Bricht. Hüt am morge hend d Kiddies sportmorge gha mit eltere und vill gekreische und aafüürig und allem drum und dra. Am namitag hämmer den ääändlich mal döfe schuel geh und es isch ganz guet gange (bis uf euses uusrüäfä bezüglich Luutstärki im zimmer). Dadrufabe hani den mini Tante am Piccadilly troffe und si het mir Broot (ja so richtigs) mitbracht :) Vorane bini aber no gschnäll im HMV gsi und ha mer di noi Linkin Park Schiibe "Living Things" postet, ändlich hani si i mine händ (pre-wärbe-streaming sei dank hani si ja scho chöne lose )! Zum de Hunger stille simmer den is Tibits öpis go schnabuliere und aaschlüssend richtig St. Martins in the Field, wobi mr am Piccadilly für morn abig no Musicaltickets postet händ (best seats ... read more

Hüt isches als erstz ab is Science Museum gange. Es isch genau so riisig wi alles anderi in London und mir hend eifach mal unde aagfange. Abr zerst hämmer eus gad no tickets fürs IMAX 3D Kino postet. Dänn simmer mal dur di erste bereich gschländeret (Weltraum und technischi Entwicklige). Was da so ustelled isch zimlich interessant und beiidruckend. Bim Wältall hets e Projektion vo de Ärde, wo verschiedeni Date zeigt wärded (Liecht ide Nacht, Strömige, Flugvercheer...), es hät e Replika vode Mondchapsle wo de Neil Armstrong drin gsi isch, Triibwärk vo Raketä und sust was s Astronautähärz begehrt. Dänn simmer a diverse Damfmaschinä verbi cho zude erste Autos und sustige Alltagsgägeständ (Töff,Flugi, Wöschmaschine, Velo, und em erste Apple Computer). D'Entwicklig wo mir ide letschte 100-200 Jahr gmacht händ isch scho extrem gross. Dadruff abe hämmer ... read more

Hüt simmer am morge inere 6. Klass gsi wo au e Studentin schuel geh hät und si isch zimli froh gsi, dass mir ihre ghulfe hend wo d chind ide mathi händ müsse sache schetzä und mässe. Am namitag hämmer de 1. Klasse bim üebe vo ihrem Theater zuegluegt und es isch mega härzig gsii wie di chline tanzed und gsunge händ. Nach Schuelschluss hämmer den d Tube gno und sind is Harrods gange. Es isch scho vo usse eifach de hammer und den isches ine gange: Dur d Parfümerii simmer ine cho und es hät nach allem mögliche gschmökt und es git eifach alles wommer sich nu cha vorstelle. Dänn simmer dur d'Handtäsche Abteilig durechoo und nei es hät nöd mal Priisschilder gha, für was au ;) Wiiter simmer zude ägyptische Halle cho wos wükli ... read more

Zwei Täg hämmer scho wider verbracht, aber vill isch nöd los gsi. Gester (Mäntig) simmer innere 3. Klass gsi bim Mr. McMahon. Es isch sehr interessant gsi ihm zuezluege, er achtet vill meh uf Disziplin und Ornig und es isch richtig agnäähm gsi. Au hemmer de Chind ide Mathi chöne hälfe und am namitag händs no für ihres Theater güäbt. Dadebii hämmer festgstellt, dass am Mr. McMahon en wahre Comedian verlore gange isch, sini Schauspiilkünst sind eifach genial komisch! :) Usserdem hämmer äntlich eusi Stunde für nächst Wuche wommer döfed gäh bestimmt, oleee! Nach de Schuel simmer den mit de Gwenda in Morrison's, das isch so e art Migros nu öpe 5mal grösser. Es hät vo allem viiil meh als ide Schwiitz, aso öpe 100 sortä Cornflakes (under anderem Alpen Muesli with Swiss Recipe), 500 verschiedeni ... read more

Hüt isch en ereigniss riiche Tag gsi. Ide Schuel hämmer inere 5de Klass mal döfe mithälfe bim schriibe und ide Mathi und am namitag händ d Chind mit Papmaschée Griecheland als 3D Charte bastlet. Dänn simmer id City gfahre, det hämmr denn zerst gad en VespaClub aatroffe und händ eus bimene Ticketshop Billet fürs Lion King Musical für morn abig postet, mir freued eus ez scho mega druff! Nach dem Erfolg simmer ide Regent Street in riiiisige Spiilzüglade und das isch eifach s Paradies fü Chind und Erwachsni! Begrüessd wird mr mit Seifeblötterli en masse und überall präsentiered eim d Mitarbeiter di noiste Sache wommer ha muess. Es hät Lego und Autöli und Spiili und alles nume erdänkliche wommer sich chönt wünsche. Scho mir sind fast übere gheit vor luuter Faszination ;) Nach ere halb Stund ... read more

Nacheme zimli öde Morge ide Schuel hämmer den am Mittag döfe abzische und sind uf direktem wäg nach London City gfahre. Det hämmer den zerst no en abstächer in Hydepark gmacht will s Wätter am morge recht sunnig gsi isch und mir sänkt hend, lieber det chi go hökle bevors chunt go rägne. Dänn simmer in Primark und hend für e stund spöter en Treffpunt abgmacht. Mit em Wägeli bini den loosdüset und ha Usschau nach spezielle sache ghalte, woni natürli au gfunde ha. Es isch eifach alles uultra günstig und es hät doch paar zimli cooli spezielli sache gha. Au chli KrimsKrams het natürli ned döfä fähle und en chline Koffer (cabine size) hani den augad no kauft :) vorem Lade hämmer den alles id Koffere bigä und sind wiiter zoge richtig öpis zum Ässe. ... read more