M&M World :)

---

Hüt simmer am morge binnere 6. Klass gsi, die hend öpis übr de Mahatma Ghandi gha und müsse selber recherchiere, d Produktivität isch aber öpe gleich 0 gsi, ich ha mich mit Harry Potter beschäftiget. Am namitag simmer bide 1. Klass gsi wo au gad e englishi Studentin ihres Praktikum macht. Sie het mit de Chind öpis zum Thema Spital früäner und hüt gmacht und d Chind sind eigetli recht guet debi gsi. Dänn händs no e Show&Tell rundi gmacht, wo jede öpis cha mitneh und öpis dezue verzelle oder eifach sus öpis verzelle wo ihn gad bewegt oder ähnlichs. Es isch mega lustig gsi die Gschichte vo de Chind z ghöre :)

Dadruff simmer den id City düüsed mit de Tube und hend nom di eint oder ander Bsorgig gmacht. Denn hämmer ide nöchi vom Piccadilly imene chline Park d Meditationsgruppe "Breath in, hello moment, breath out, here I am Movement" aatroffe, het mega e friedlichi Stimmig verbreitet.

Nach ere churze Rast i dem Pärkli simmr denn no id M&M World. Es gheied eim fast d Auge use wemmer gseht wases vo M&M alles git! Vo t-shirts über Magnetli bis zu Täller, Duschvorhäng und villem meh chasch aso alles ha :) natürli au M&M's i allne farbe :)

Ufm heiwäg hämmer no ide gratis Abigziitig gschneuget und anschiinend sind Dreadlocks ez au im Modeolymp aachoo und wärded uf de Laufstäg vo dere Wält präsentiert, I like :)

Euses guet nacht mümpfeli isch den de Apfel-Crumble vode Gwenda gsi, fantastisch wie imr!

Stay well und take care, lots of hugs :)

---