Das Ende naht

---

Liebi Fründ und Familie

As gaht scho wieder am endi zue. Ich weiss, ich bin nid sehr flissig gsi mit schribe, aber für äs Abschiedsbrichtli sölls doch no lange.
Dzit da uf dä Philippine isch wie im Flug vergange. Äs chunt mer vor, als währi geschter erscht acho und doch lueg i uf so villi Erläbnis zrugg. Ich han än intensivi und au sehr lehrrichi Zit da verbracht und luege mim Abschied mit ämä lachende und äme weinende Aug entgege.
Fascht jede Tag gnüss ich jetzt no stauche da und sammle ganz viel Erfahrig, obwohl ich natürlich no immer äs ziemlichs Greenhorn bin. Äs wird also wahrschinlich nüt anders übrig blibe, als bald wieder nach ämä neue Abenttüür usschau zhalte.
Ich fasse mich churz. Froie mich oi alli bald wieder live zgseh und dänn au chli usfüehrlicher zquatsche.
Hebed wie immer Sorg und bis bald

Herzlich Luzia

---