Divemaster

---

Mini Liebe

Ja, ich bin jetzt ebe Divemaster. Schlussentlich länger gange als i dänkt het, aber "gut Ding soll oder will Weile haben", oder so ähnlich.
Min Tagesrythmus hät sich dadurch aber nid gross veränderet. Am Morge uf Aninuan und am Abig wieder hei. Neu isch, dass ich dä Wäg jetzt mit ämä "eigene" Roller zrugg legge, das isch schnäller und günschtiger und nach wenige Fahrstunde sitzt i jetzt au scho rächt sicher am Stür über die holperige Strasse. Vor nonig so langer Zit händs Helmpflicht vorgschribe, kontrolliert wird aber nur a eim Ort und drum bin ich trotzdem eini vo dä Einzige, wo konstant än Helm a hät. Vor nid so langer Zit bin i dänn glich in ä Kontrolle cho...aber ganz ehrlich, wänn die zweiti Frag isch, warum Fraue us dä CH immer so schön sind, chan mers ja nid so ernscht näh. Mer erlaubt am Maa mit äm Maschinegwehr no 2 Frage meh zstelle, dänn därf er mit äm Handy äs Föteli mache und vergässe isch, ob Helm oder Uswis däbi sind.
Geschter isch dAndrea scho wieder abgreist. Die 10 Tag sind so gschnäll verbi gange, isch verruckt.
Jetzt gits däfür wieder Föteli für oi, weil uf sie eifach meh verlass isch.
Min Divemaster han i mit 2 anderene fascht Zitglich abgschlosse und drum hämmer 1 grossi Party drus gmacht, aber da verzell ich eu dänn lieber mal live. Ihr chänd bis dänn dFöteli aluege, wo einigermasse zumuetbar sind :-)

Ihr ghöred wieder vo mir, hebed wie immer Sorg

---

Photos

Da häts Säuli no easy gnoh...
...später ischs gstorbe :-(

Vorbereitig...
...für dBurgerparty (divemasterparty)

Comments

[Andres & Ineke]

Hoi Luzia, Congratulations!!! Toll, was du gschafft häsch; mer wünsched dir no vill spass und witerhin vill spannendi erläbnis bim tauche und bim reise uf de Filipine. Mer sind gspannt uf dini bricht, wänn du wider retur i de Schwiz bist. Härzlich und halt d'ohre stiif, Andres & Ineke