Advertisement
Published: November 20th 2007
Edit Blog Post
Hey
Das wuchenänd bini ufem cotopaxi gsi! isch en aktive vulkan ond de gröscht freistehend ide wält. wennmer es bild vo ecuador gseht, ischer sicherlich au debii, zumindescht uf jedem reiseführer als titelbild. d daphne hetmer am mittwuch im uusgang vo ihrere idee verzellt, ond ich han mi halt churz dezue entschlosse mitzgo;-) Am donnschtig hets no es chliises erdbebe geh, womer anschienend gspührt het, aber i has voll verpennt: trotzdem, isch scho chli strange ufen aktive vulkan z stiege, wenn vorher grad azeiche vomene uusbruch vorhande sind( ond de wird au bald mal erwartet..)
schlussändlich simmer z vierte am samschtig morge früeh (am sächsi, scho so lang nüm so früeh uufgstande..shit isch das en qual gsi;-) mit em jeep los richtig cotopaxi national park. i han natürlich voll nüt debii zum ufene knapp 6000 meter berg stiege, aber zum glück hani vonere kollegin thermo unterwösch, händsche ond schal chöne uuslehne. gseht zwar blöd uus mit rosa farbene wulesache, aber warm hets geh! im national park hanimer no mis equipment mitere lamachappe vervollständigt (ohni wärs voll heftig gsi, ond han eh scho immer mal eini welle. umso besser dassi si um 50% abegmärtet han..). mer hend immer wieder mal en
stop gmacht, suscht wirds gföhrlich wennmer sich nid aklimatisiert. in mitte vo lagune, steppelandschaft, piniewälder ond wildpferd schlänglemer ois mit em jeep dur schotterstrasse, wo dur die vulkanfindling bsäihti landschaft füehrt. nach 35 kilometer fahrt simmer äntli am punkt, wos mit autos nümm möglich isch wiiter z fahre. in ecuador chonds nid drufaa übs rägne oder nid, s wächslet eh all halb stond. uf 4600 isches denn scho rächt krass gsi zum schnuufe, eigentlich voll easy die 200 höhemeter zude berghütte ufestiege, aber mitemene volle rucksack ond mit dere dünne luft voll de marathon. mer muess sich so zrughalte, dassmer kontinuirlich ond langsam schritt für schritt macht, suscht klappsch grad zäme. dasch isch nur so chli s trainig gsi, richtig los gads erscht am eis ide nacht. nach es paar stonde umechille ond ässe zwingemer ois am sibni zum go penne, ich bin zwar voll müed gsi, willi am mittwuch nachem uusgang eh nur zwoiehalb stond pennt han, aber d philippe wott unbedingt no voll lang quatsche... duuret voll lang zum iipenne, ond d luft lahtsmer eigentlich au nid zue.
schlafenzoge, hungrig, mit buch ond chopfweh gods nachemene spährliche zmorge am eis ide nacht los. voll fett iipackt, uusgrüschtet mit
energydrinks, chopflampe, iispickel ond stahlspitze für d schueh gods los! oisi gruppe heisst los locos (die verrückten) ond mer hend ois fescht vorgno bis ganz ufezgo, 5800 m.ü.M. zerscht gods no chli uf sand ond stei wägli 200 meter ufe. ide schwiiz würds überall übelschti sicherheitsabsterrige geh, aber da kei spuhr. d wäg würd scho go, wennmer uufpasst, nur wenns so fescht windet wie ufem meer, denn isches doch ganz gföhrlich. ade schneegränze, also afangs gletscher, ziehmer oisi spikes ah ond sicheret ois mit seil ade bergfüehrer, immerhin öppis... was jetzt folgt, isch en mischig us sälbschterkännig, de eiget sauhund überwinde, krasses chopfweh, stolz, geili uussicht ufs nächtliche quito ond physischi ond psychischi asträngig vom hertischte! total langsam kämpfsch di immer wieder wiiter, machschder gedanke, WERUM dassd eigentlich das ganze machsch ond troimsch, wie schön dasses imene heisse bad wär. s krasse isch, dasses usgno vom gipfel keis ziel gid, sondern dassd sälber säge ond wüsse muesch, wennt dass nüm wiiter ufe chasch. wennmer nid s zwoite gsi wäret, hetti wohrschinlich scho früehner ufghört, aber mer chan ja nid s kollegeschwein si. zum glück het de Duan au mal nüm chöne, ond so hemmer im guete iiverständnis chöne de rückwäg
iischlo. immerhin hemmers bis 5450 gschafft ond hend am berg sis gnick broche( die steilschte stelle überwunde, generell stiigige vo 40-45 grad!!)
de rückwäg isch fascht gnauso krass: s god zwar abe, aber mer isch voll übermüedet ond mer sind einisch d händ iigfrohre, so dassi nütmeh gspührt han. nachere viertelstond bewegigsüebige hettmer oise füehrer mini händ a sini bruscht under d jagge drückt ond so wiider gfühl ond läbe driibracht! isch generell so krass chalt gsi: eigentlich nor minus 15, aber mit em wind het sich das agfühlt wie minus 30!
voll glücklich äntli im windschutz vode hütte z si (isoliert oder warm isches nid..), hemmer die üebig bis uf wiiteres denn abgschlosse. isch zwar es erläbnis, aber ide nöchschte ziit bruchi das nüme. wenni mal mit gott rede wott, gahni id chile..;-)
here a link: turning around the place where we have stayed for aclamatazing..
http://www.fliqz.com/public/aspx/playerdefault.aspx?vid=ae5124fc4b084981ad5f8dced23dbf61
Advertisement
Tot: 0.137s; Tpl: 0.015s; cc: 7; qc: 51; dbt: 0.0517s; 1; m:domysql w:travelblog (10.17.0.13); sld: 1;
; mem: 1.1mb
Keusch
non-member comment
uff..
jou magy!! so, i ben aso glich no dezue cho, weder dini blog-iträg zläse und ben nach wie vor begeisteret devo. aso mol ganz ehrlich, för de tapferi ufstiig und die portion selbsterkenntnis ufem weg id höchi, inkl. igestah, dass de berg eifach stärker esch, hesch der aso erneut min volle RESPECT verdient.. jo so wes usgseht hesch du in ecuador wörkli en super ziit und erläbsch so einiges.. :) dasch scho cool so, vo dem her.. gnüsses. take care und liebi grüess us de schwiiiiiiiiz keusch lee