Playing Polo @ Estancia La Martina

---

What an unforgettable day! Que día increíble!

Mitem Auto simmer vor de Huustür zBuenos Aires abgholt worde. Vom Ezequiel, liideschaftliche Poloplayer und personal Trainer für de hütig Tag. Sini Kollegin, dSylvia isch au mitcho, liideschaftlichi und wännd mich frögsch Profi-Fotografin, wo ois duet de Tag begleite und abknipse. Wänn ich scho voher gwüsst het mit wem mir no Training hetted, denn wäri aso nervös worde!

Mir sind öpe e Stund us Buenos Aires usegfahre und während de Fahrt simmer scho flissig über de Polosport informiert worde. Zum Biispil hät de Ezequiel ois verzapft, das bime Polospiel (natürli die höchere Liigene) jede Polospiler (4 pro Siite) je 15 Ross hät zum ustuusche. Wänn sonen Wächsel stattfindet, stiigt de Riiter nöd mal ap, sondern gumpt quasi uf sis zueküntige Rössli. Das geyyt jo gar niid, oder? Ha den natürli au grad gfrögt öbmer so vil Ross defed riite :P Zudem hät er näbebii no erwähnt, dass aml dFamily vode Queen from England verbii chäm zum Polo spile oder for a cup of Tea. Aaaah schön, seischere es Grüessli wänsi snegscht ma gsesch =) Schnäll händ dMaureen, mis schwiizer Polo-Usprobier-Gschpöönli, und ich realisiert, dasmer da nöd eifach ufre Chabis-Chruut-Estancia sind.

Die Estancia, womer nämmli bsuecht händ hät „La Martina“ gheisse. Es git die berüemti, exklusivi Polo-Mode-Marke wo glich heisst und d Erfinderin vo dere Marke, dMartina isch s Grosmami wo uf dere Estancia läbt. Leider hämmer si nöd käneglernt wilsi in Uruguay ide Ferie gsi isch (han i dem Moment für sie ghofft, dass si guets Wätter verwütscht oder dassi en stärkere Mage we ich hät!!) 😉

Zudem isch oise oise „Haupt-Trainer“ de Toto, wo au scho mit sine junge 19 Jöhrli i sim eigne Hüsli uf de Estancia wohnt, de Neffe vom Wältnummere 1 im Polo, vom Adolfo Cambiaso. Und trainiert hämmer au grad ufm Monsieur Adolfo sim Fäld. It was a really taugh training, I can tell you! Aber es hät seehr viel Spass gmacht und wer es richtig cools, abentürlichs, untouristischs Polotraining will über sich ergah lah in Argentinie, def mi aso sehr gern ahaue zum die genial Adrässe wiitergee =))



PS: sRössli womi de ganz Tag ufm Rugge umetreit hät, hät „Milanesa“ gheisse. Das isch öpe glich, wämmer bi ois es Ross „Mostbröckli“ wür nänne! Tzzzzz 😉

---

Photos

Welcome-Asado
..with Ezequiel, Toto and Maureen.

Ok let's try this.
Not that easy I can tell you!