薩爾斯堡→碧湖→盧比安娜(2006/7/20)

---

呢朝起身特別醒神,因為我要見我偶像啦!搭車出城區。薩爾斯堡係個山城,車外風光係咁多日以泥最靚、最令我震撼o既!哇!d山、d草、d樹,又高又廣闊,好好好正!入到城,先參觀米拉貝花園。o個度好靚,但我並冇影好多相,因為個心已經去左第二度😊之後一路行,最後就左糧食大街,即係莫札特故居、莫札特廣場、大教堂廣場等o既集中地。好無奈地,導遊只係俾左40分鐘free time(連埋行番去上車地點o既時間)我地。我先去莫札特廣場。見到佢個像o既時候,真係...百感交集,予欲無言。但我並冇時間去思去想,就要立刻飛奔去莫札特故居。並冇團友入去,我一個人走入去,感覺好特別。o係入面,只要想像下佢o係度彈琴、作曲,已經...好滿足。我只係o係入而逗留左15分鐘,仲有一層我完全未踏足。好無奈,但好滿足。

之後就去斯洛文尼亞o既盧比安娜同埋碧湖。碧湖...一個好靚好舒服o既地方。盧比安娜...好寧靜。o係古城漫步真係好。呢晚o既酒店令我讚不絕口!我至愛o既金色o既床舖、金色o既窗簾、金色o既燈罩...正!仲係套房tim。yeah~

---

Photos

橫誇鹽河o既橋
(唔記得叫咩名)

莫札特
如果唔係有野圍住,我一定會爬上去錫佢一啖!

莫札特o既琴
入面其實有好多人check住唔俾影相,我偷偷地都影左幾張。其實...用心感受比較緊要,有冇相我都會記得呢個地方。

莫札特第一首作品o既手稿
呀...好感動。

碧湖
中間有個小島,上面有座教堂!不過太曬影得d相唔靚。