Guatemala

---

---

So, mer hoend alles zaema packt und fahred, bzw. huepfed imna vollgstopfta Minibus uf Lanquin. Z'mitscht i da Pampa hoemmer den no an Platte ka. Fangt jo scho lustig a uesa Road Trip.

Do in Lanquin isches recht gmuehtlich. Mer wohned im El Retiro da isch an Backpacker Treffpunkt. Und wia koents o anderst sie uesi erst Nacht und scho a Spinna im Bad. Mist. 😊. Aber mer globid a da moemmer ues gwoehna woerd noed di letztscht sie.

Am Noegsta Tag simmer uf Semuc Champey da isch nur oepa 9km entfernt. Mer hoend aber 50 min brucht will Stross so bescheide isch. Mit am Elvis usem Guide simmer z'erst id Caves, jeda het a Kerza ueberkoh damits akli romantisch wora isch 😊. Mer sind den kletternd, schwimmend, watend und springend go di Hoehli erkunda. Zum Glueck is so dunkel gsi mer hoend gaer noed wella gseh was alls foer Viecher do inna ka hed.

Da Hoehepunkt vo dem Trip sind den D'Laguna vo Semuc Champey gsi. Die hoend woerkli zum verwiela iglade. (Siehe Foto's)

Die noegst Station isch Flores. Damol hoemmer Glueck ka und da Fahrer het noed s'Gfuehl ka er seg da Michael Schuamacher. Es isch dafoer anstatt 5h, 7.5h ganga. Da Marco het soviel Platz ka er haet koena entscheida zwueschet Spagat oder Bei hinter da Kopf. Will heissa isch akli eng gsi.

Am 4.00 i da Nacht hoemmer moessa ufstoh zum da angeblich Sunrise ueber Tikal z'gseh. Mit am Buesli sind mer den 1h lang gfahre um den vor am Igangstor z'warta, bis ues am 6gsi inaloh hoend und s'hell gsi isch. 😊. Mer sind den 5h mit am Guide dor die ganz Alag gwanderat. Isch uh schoe do alli Tempel sind halba im Dschungel . Het ues super gfalla.

Letschte Station in Guatemala isch Rio Dulce. Do gfallts ues so guat das mer gad 4 Taeg blibad. Ganz i da noechi haets an Wasserfall. Mit am Boot mached mer an Usflug doet ana und lueged ues die Sach mol ah. Im ersta Moment ganz nett, wommer den aber sind go bade und usagfunda hoend das da Wasser wo do aba bretscht heiss isch, hets ues mega gfalle. S'Wasser vom Fluss isch relativ kalt gsi und vo oba aba isch a heissi duschi ko. Wos den no agfanga het regna hoemmer gaer nuemma usa wella.

---

Photos

Lanquin
El Retiro... erste Nacht unterwegs

Caves
Die erst Kletterpartie i da Hoehli

Semuc Champey
Blick vo oba aba...

Semuc Champey
Endlich koemmer ina huepfa

Kakaopflanze
Kind verkaufed selber gmachti Schoggi... fascht wia Munzli aber ebe nu fascht.

Tikal
...

Tikal
La Ceiba... Nationalbaum vo Guatemala

Tikal
Pepi war auch da...

Rio Dulce
Alles lauft ueber da Wasserweg

Rio Dulce
hot waterfall

Comments

[Hannes und Nati]

Hoppid
Merci fö eua luschtig Reisebricht! Mer hönd ga a paar Mol könna schmunzla...! Im hüpfad Bus hetad mer eu jo gern gseh, um da Ablick vo da Spinna benid i eu aber nö!!! Wow, eui Fotana sind ächt da Hammer! An lüba Gruass und witarhin a guati Zit Hannes und nati

[GlobetrekkerChic]

Luv the photos
Hi Giys....Hope you are enjoying your trip around Guatemala. Hopefully we get to meet up again somewhere along your trip

[fabex]

wahnsinn...
beniedenswert - seand echt super schöni fotana. teils wirkts echt scho fascht kitischig - aber würklich gigantisch. da bricht no gnüssids er & mer wünschid eu deamfall a goati zit - nöd z'viel goma! ;-) lübi grüass alex & fäbi

[Pascal]

Gruass vum schaffa
Hey salutti! Ha gad a kli zitt bim schaffa zu euari supper fötali z bestuuna. Finds toll das er zwoa do i diam ferna america so goat hond. Isch aber schad as er da sunnaufgang so blöad verpasst hond, wenn er schu so früah uf siand, nach am motto "der frühe vogel...". Also gnüssids witterhin, muass iatz no s'ross go goasla...;-) Gruass