Advertisement
Published: December 2nd 2008
The Story of 4 Hong Kong Travellers~
Left to Right: Anna, Shadow, YueYuan & Me ...and this is the "Last Supper" we had in Seoul~<飛往新大陸~>
籌備已久o既南美之旅終於出發啦~ 今次之行o既成員有4位: Anna, Shadow, 宇欣同埋我~ 南美洲...說是最「偏僻」o既大陸都不為過...幾乎除了中北美洲o既地方之外...從地球o既其他地方去都要好一段距離。好似我o地今次咁...(加上慳皮o既關係)...我o地由香港去到南美第一站巴西o既里約熱內盧之起碼要三程飛機...可說係飛越o左四份之一個地球 (跟住google map o既直接route計算....係有成二萬幾公里...飛足成日)!!
<未出發先興奮?!>
24/9/08就係我o地正式出發o既日子....不過竟然之前o個晚颱風襲港....仲要打到8號....於是我o地都好關注究竟出唔出到發...大家都係咁睇實機場o個網頁...結果...飛就飛到...不過班飛就delay了...而且因為飛韓國o個程delay了...所以我們將會miss埋接駁去美國o個o的機...總括來說...就是一定會遲o左到達南美...至於點收科好...其實我們都有好幾個選擇...我們最後決定先o係首爾過一晚...第二日再轉另外o既航班去美國再轉機 (即係變成地圖所顯示咁)~ 所以...我們o既旅程就無啦啦多o左首爾呢個地方啦~
<食在亞洲~>
其實o係首爾我o地最主要o既任務都係食同瞓(笑)~ 瞓...因為機場o既counter姐姐超好人...最緊要係英文又ok~ 所以我o地好順利o地就搵到間hostel~ 食...其實我個人覺得韓國係大鑊過日本的...因為日文起碼有時都有o的漢字估下...而韓文真係可以講同符號無乜分別...所以真係估都無得估...而我o地去食o野o既時候就遇到呢個大問題...!! 正當我o地對住個menu苦惱緊o既時候 (食韓燒你想指都無得指...驚叫o左o的唔知咩...四圍人又唔多...) 竟然有個侍應行過o黎用普通話同我o地溝通!! 感謝主~ 原來佢係由瀋陽o黎打工的呢~ (可能聽到我o地用廣東話...) 同聲同氣o既感覺真係唔同~ haha~ 有佢o既幫忙...我o地叫o左個豐富o既燒五花腩「大餐」(又唔貴)~ 好好享受之後我o地就要同亞洲美食講再見，準備迎接美洲(特別係美國)o既垃圾食物時代了...
提起美食，不得不提Korean Air o既飛機餐~ 原來佢每餐都總有一餐係叫Korean Dish，而用個支類似豆板醬咁o既o野撈完之後真係好好食~ 而且我o地仲拎o左好幾支呢支醬作為日後搽麵包之用~ hahaha~
<意外...係正常o既...>
話說o係韓國仲有段小插曲...就係其實我o地係搭早機o既...我o地亦都較了鬧鐘...點知較的卻是香港時間(韓國比香港快一個小時)!! 還好我o地「恰巧」識醒...先無miss到飛機...真係感謝主~!! 第二個「意外」就係當我o地經過三程飛機後終於o黎到里約熱內盧之後...Anna竟然告訴我們一個她剛剛聽到的「震驚」消息......
欲知後事如何，請看下回分解~
Advertisement
Tot: 0.106s; Tpl: 0.011s; cc: 10; qc: 52; dbt: 0.0435s; 1; m:domysql w:travelblog (10.17.0.13); sld: 1;
; mem: 1.2mb
Joanne
non-member comment
adventurous. Nice photos