Sabang-Small LaLaguna

---

Liebi Fründe

Jetzt bin i scho...moment mal...ja ungefähr 5 Tag da. Äs gaht gschnäll und mer verlürt dRelation zu Tag und Zit rasch.
Ich bin mich immer no am igwöhne, find mi aber scho fangs ganz guet zrächt. Tauche tuen i täglich und äs isch so schön, wie ichs mir vorgstellt han. sWasser hät agnähmi Temperature zwüsched 26-29°. Mit dä Kürs fang i erscht nächscht Wuche a, bin aber scho chli am Lerne für dä Rescue-Kurs.
Ich gnüsse frischi Frücht zum zmorge, han i mim Appartment ä chlini Chuchi, woni mir mängisch Chlingkeite choche und dänn uf minere persönliche Terasse gnüsse. sEinzige wo no fählt isch dHängematte, aber ich lueg mal, wo ich die no uftriebe chönti.
Small LaLaguna isch äs netts Örtli, Sabang wo grad näbed dra lit und grösser isch, d.h. det sind di meischte Ichaufsmöglichkeite und au Bars etc. sind, isch da scho eher gwöhnigsbedürftig. Dä Sextourismus isch gross und mängisch mag i fascht gar nid ane luege, muen i ja zum Glück au nid. Ich mides eifach so guet wies gaht.
Im Divecenter sind alli sehr nett und ich bin oft eifach chli da und mache nüt. Geschter han i mit anes Hochzitsfäscht chöne, also eigentlich isch äs dä 4ti Hochzitstag gsi. dPhilippinos sind extrem gaschtfründlich und zfriede, nur abfülle wänds eim immer und das vertreit sich mit äm Tauche gar nid so guet, aber ich bin standfescht...ehrlich!
Hüt hani scho mal än chline Schnorcheltest gmacht...ja chli üebe würdi mir sicher nid schlächt tue, han ja aber no chli Zit. Morn morge gahts wieder go tauche. Am Namittag dänn is noie Resort in Aniuan. Det wird ich zuekünftig die meischti Zit verbringe zum mini Kürs mache. Froi mi!
Nun ja, was gits suscht no zverzelle? Weiss grad au nid. Ihr ghöred wieder vo mir.
Hoffe oi gahts allne guet und ihr händs nid allzu chalt.
Hebed Sorg

---

Photos

jeepney
Auf dem Weg zur Eröffnungsparty des neuen Divecenters...Eis darf natürlich nicht fehlen