Japan Tour Day 3 - Hokkaido

---

札幌千歲機場 -> 白之戀人朱古力工房 -> 明治時計台 -> 大通公園 - 白色燈火節 White Illumination -> Sheraton Hotel

一起身執好晒野就去食早餐, 準備乘坐內陸機到北海道喇!! 要趕飛機所以要比之前2日早起, 晨早流流起車度已經覺得好累, 但又好興奮好想快d到hokkaido! 導遊已預先話我地知, 日本人做野手腳好慢, 所以等頒手續要一段時間~ 真係等左好耐先有得check-in呢~ 坐內陸機要1個hr多d就到喇, 可能部機細d, 所以我覺得有d拋~

臨降落時, 已見到周圍既地方一片白茫茫, 好靚好靚!!! 一落機已感受到溫差喇! 東京凍極都未below 0度, 北海道daytime 都零下1至2度~ 拿晒行李搞掂所有野, 跟住我地就由札幌千歲機場坐車去bbq lunch buffet既地方~ 沿路不停欣賞雪景同埋北海度既景色, 一路坐車都一路影相~

個bbq lunch buffet好多野食, 又有好多糕點/cakes/其他甜品食, 又可以自己整細個成日食既大大舊棉花糖添! 一路食出面就落起大雪, 好靚~ 食完暖lup lup大家連羽絨都唔使著就即刻起餐廳出面狂影相~

之後到白之戀人朱古力工場, 因為過期事件冇得入去, 但單單工場出面已令我地流連忘返! 一入去就有好多好似歐洲古堡既建築, 有聖誕老人坐既鹿車啦, 屋仔啦, ...etc. 到時鐘答正時, 整個地方有音樂, 望真d先見到古堡上面d廚師起度郁~ 凍到流晒鼻水, 跟住去下一個景點, 明治時計台~ 好大雪呢! 任我地起附近行行到夠鐘去大通公園睇白色燈火節~ 不得不提北海道既冬天, 4.30已經開始天黑架喇, 比起響東京還要早呢~ 我地見有間doughnut店, 於是入左去暖一暖~ doughnut唔太甜很好, 而個粟米湯好好味好甜的~ 吃完就見到大通公園既燈飾已著左就起行~ 入夜後起0甘空曠地方格外凍, 但d燈飾幾靚, 離遠眺望著左燈既札幌電視塔仲靚~

然後返酒店, sheraton比起之前2日果間更好, 地方大d舒服d, 野食都更好~ 夜晚果間起呢度食buffet, 食埋長腳蟹添~ 食飽起酒店附近行下夜街就返酒店做spa, 酒店送的, 但好熱... 可能我唔係太慣有d暈浸左1hr都冇~

---