Parnaiba

---

sodeli, am 5 am morge isch ues tatsaechli en art truck cho go abhole und het ues mitgnoh ueber holprigi staubigi strosse bis uf camocin. e typisches brasilianisches oertli ohni ifluss vo tourismus und desgleichen. isch e langi fahrt gsi dur schoeni natur und mit hocher beaspruchig vo jegliche koerperteil, wells so mega fescht gruettled het. hihi. sind denn aber heil acho. doete in camocin hets denn leider kein bus gha wo mir acho sind, es het nur gheisse, viellicht fahrt eine am 5 am obig. und es isch grad mol 10ni am morge gsi. jaenu. mir hend denn irgendwo uesi rucksaeck choene deponiere und sind denn chli go spaziere und hend denn en schoene strandabschnitt gfunde, wommer hend choene chli annehoeckle. leider hemmer kei badhose debi gha und trotz de mega hitz noed choene go bade. hend uesi ziit denn halt mi spiele und chli esse verbrocht und sind denn irgendwenn am nommi wieder zrugg is doerfli zum rodoviaria (so heissed do die busbahnhoef). die spanisch familie wo au mit ues ufem saebe truck gsi isch denn au doete gsi, so wie abgmacht. aber en bus hets denn glich keine gha. eber eifach voll gsi isch oder de grund fuer dnichtfahrt eifach brasilianischi traegheit gsi isch, stoht i de sterne. hend denn wohl oder uebel muesse e taxi uf parnaiba neh, well in camocin blibe hemmer beidi noed woelle. zfuefte plus en taxifahrer hemmer ues denn inene vw golf innequetscht mit all uesem gepaeck und die guet 2h fahrt isch demnoch so richtig agnehm gsi. however. sind denn am obig glich no in parnaiba acho und hend doete choene innere pousada uesi mitlerwiile schwerbeaspruchte glieder usspanne. bevor mir aber go schlofe sind hemmer ues zerscht no fuer e sunntigsfaehrtli im delta vo parnaiba agmolde. am sunntig selber denn simmer uf da faehrtli gange und hend wunderbari natur doerfe gseh indem mir mitem riise boot, also riesig fuer da dasses dure naturschutzgebiet fahrt, dur da delta tuckeret sind. uesi brasilianische tourischte hend meh de jonny walker flaesche bigwohnt, als schoene ambiente zgnuesse, aber da isch ues egal gsi, au dass waehred de ganze tour oeppe 3 mol die glich forro cd gloffe isch. isch eifach en schoene sunntigsusflug gsi. am obig hemmer denn no e feini pizza gaesse und sind wieder relativ frueh go pfuse...sodeli, noechschte halt isch denn de nationalpark selber...isch chli laenge gange zum doete hicho als mir denkt hend, aber mir schaffeds no...chch

---

Photos

ueses schiff
fuer de sunntigsusflug...chch

landschaft
herrlich gsi...

insle
a de muendig zum meer...het e abartigi stroemig gha zum dete bade...

caranguejo
brasilianer hend sich wie tier uf die chrebsli gstuerzt, wommer nur miteme haemmerli chan oeffne und tonnewiis fangt i dem delta...

Comments

[Schoefs]

PIZZA
pizaa, pizza, pizza. luäged, dass ihr noed als tschingelis zrugg choemed....!!!!!!