Canoa Quebrada

---

sodeli, ueseren noechschte stopp hemmer im hippiedoerfli canoa quebrada igleit. ganz chilligi sach. scho am busstopp simmer vo de schraegschte usstieger-gestalte empfange worde, wo ues hend woelle hostels abuete. mir hend ues denn fueren hollaender entschiede wo sini pousada 50meter vom meer ufgmacht het. de priis isch eifach unuebertrefflich gsi. aber dementsprechend uebel hend au zimmer usgseh. sogar en frosch het no usem wasser vo de wc-schuessle gluegt. hihi. aber zum schlofe hemmer echt noed meh brucht und en pool hets sogar auno gha, wommer het choene sich abchuele. und da isch amigs wuerkli notwendig gsi. verdammt heiss. sicher jeenes ueber 30 grad. die paar taeg wommer doete verbrocht hend, simmer vorwiegend am strand gsi. die einzig usnahm het de wm final und spiel um de dritti und vierti platz gstellt. beides hemmer innere chillige baracca am strand gluegt, wo ues en duetsche (witere usstieger) verkoeschtiged het. sinteressantischte am final isch gsi, dass uf eimol alli brasilianer italie fan gsi sind. ha mir denn e chlineri diskussion noed choene erspare. findi eifach chli schwach, wenn e anderi mannschaft meh afuere tuesch als dini eige, aber egal. hend halt au gaege la france verlore...! naebed strandlaebe hemmer a de oebig jewils choene wunderbari sunneuntergaeng gnuesse und am sunntig obig isch jo denn no vollmond gsi und wies sich ghoert fuer so e oertli hets denn au e vollmond party geh. isch recht chillig gsi und bi lagerfuuer atmosphaere hemmer ues denn seinte oder andere bierli goend und ufs meer useglueget. dkleider wommer agha hend hesch am andere tag gad nuemme choene bruche. so verraucht. am mo. obig hemmer nochere spielrundi 'big two' e art poker variante us asie, ues denn vo de beide auschtralier verabschiedet. ihri reis goht witer uf são luis, wo mir denn auno hi goend, aber erscht spoeter, morn gohts naemmli zerscht mol uf fortaleza, de drittgroeschte stadt vo brasilie..

---

Photos

rot und weiss
wiss de sand am strand und rot de sand am felse...und dwolke trueged, swetter isch herrlich gsi...

esel serviert caipirinha
sooeppis het wohl no niemmert gseh. de hammer.

praechtige farben
so hets bi ues nochem schlusspfiff am sunntig usgseh und bi eu?

Comments

[myrtha]

ferien
also mir hoffed sehr, dass mir i üserne ferie am fuschelsee au es bötli findet, es esel-wägeli wo üs caipirinha serviert wirds sicher nöd ha, aber viellich emol e so schöne sunneuntergang. am 26igschte sind mir wieder zrugg. cu and kisses

[Irene (BSG)]

do packt ein s'fernweh
hoi zemä wemä euri reis so mitverfolgt packt ein s'fernweh scho ganz brutal. ein trost hämer do i dä schwiiz: s'wetter isch wunderbar, sunnig und warm. was fehlt isch nume s'meer, dä sand zwüsche dä zehe und en chüele drink i dä hand. ich wünsch eu no vieli schöi erfahrige und erinnerige ufem rescht vo eurer reis. liebi grüess us dä schwiiz.