Morro de São Paolo e Ilha Boipeba

---

Sodeli, dschuel isch verbi und mir chend ues jetzt wieder am reise widme. het guet tue chli portugiesisch lerne. chaemmer ues doch jetzt guet mit dene luet verstaendige. also noch dem mir denn dschuel am fritig fertig gmacht hend hemmer ues am samstig scho uf de weg noch morro de são paolo gmacht. e insle wo e mega beliebts ferie ziel isch. noed nur fuer touris sondern au fuer brasileiros. vo salvador chammer entweder mitem katamaran oder mit de faehre/bus/schiff. mir hend ues natuerlich fuer die zweiti variante entschiede wo halb so tuer gsi isch wie die ander und zuedem vil interessanter. sind also zerscht mitere riise faehre uf d'insle itaparica, wo salvador vorglageret isch gfahre und nochig vo doete witer mitem bus bis uf valenca chli witer im suede. und denn zum schluss numol e 'lancha rapida' bis uf morro. isch recht luschtig gsi, vorallem sletschtere wos eim vo de gschwindigkeit her saugewasser nur so zum aug usegwindet het. chch. in morro hemmer denn e sehr friedlichi pousada gfunde und billig de zue anne. hehe. morro isch mega touristisch aber wuerkli en schoene ort mit schoene straend, vilne reschtis und und. mir hend vil ziit am strand verbrocht und natuerlich au mit fuessballluege, wie immer. dodezue mueni scho mol saege, dasses fascht chli e armuetszuegnis isch wie wenig brasilianer e ahnig vo fuessball hend und rein vo de party stimmig her, waehred mir fuer dwm lieber in argentinie oder i de schwiz. aber da isch jo glich. also es isch noed so wie alli denked. brasil wow und sou, fuessball. aber egal. hend uf dere insle denn schoeni sunneuntergaeng gseh, friedlichi spaziergaeng gmacht. hummer gaesse und suesstigi meeresfruecht. und ues jede tag drum kuemmered e billigi variante fuer zum uf boipeba cho zfinde. irgendwenn hemmer denn halt kapituliert vor de kartellpriise betr. transport uf boipeba und hend die 30 reais zahlt vos hend woelle und sind im groeschte sauwetter uf boipeba cruised. isch echt en erlebnis gsi. heieiei. uf hoher see mit riiise waelle (maengmol isch sboot eifach vom wasser abghobe), und raege wo eim wie nodle is gsicht peitsch het. aber isch geil gsi, also mir hends luschtig gfunde. die andere pauschaltouris viellicht noed so. chch. noch ca. 2h fahre simmer denn endlich in boipeba acho. wow. en traum, paradies? hend denn e mega schoeni pousada gfunde, wommer leider de priis falsch verstande hend (isch 80 anstatt 30 gsi pro nacht) aber es het sich andersch glohnt. so schoen hemmer no nie residiert uf uesere reis. umgeh vomene wunderbare paerkli mit jeenschte palme und schoene struecher. und blueme (z.b. papageieblueme) eieiei. und szmorge denn erscht eifach de guss gsi. uf uesere erschte insle erkundig hemmer denn no en wunderbare pizzaiolo mit sinnere frau kenneglernt. die sind sooo supernett gsi, dassmer gad zweimol sind zo inne go znacht esse. und pizzas sind gad au de hammer gsi. hend denn chli mit dene plaeuderlet und sou. uf portugiesisch und isch wuerkli sehr schoen gsi. und am andere tag uf dere insle hemmer ues wieder as strandabschnitt erkunde gmacht. herrlich. alles palmegsaeumt und wenns noede so schlecht wetter gsi waer am vortag mit tuerkisblauem meer. da hemmer ues denn eifach vorgstellt. die ganz ziit hemmer no en hund als begleiter gha..chli en gruessige. het mi mit de ziit chli gnervt. aber easy. jo, leider isch uesi ziit in boipeba chli churz gsi, well mir useme guete grund aber, wieder zrugg uf salvador hend woelle. naemmli fuer suiça contra corea do sul. i nimm ah, dodezue mueni noed vil saege. sind denn numol zwei taeg in salvador blibe fuer são joão, en art erntedank fescht. jojo. und etz gohts witer noch, lençois...landesinnere. miteme wunderbare nationalpark...chapada diamantina...
ps. meh fotene choemed no, aber etz muessi go schwiz ukraine luege. vamos SUIÇA

---

Photos

sunneuntergang
in morro de são paulo. wunderbar gsi und he, i representiere d'schwiz. chch

deluxe
palme, strand, meer und nuet suess ussert mir in boipeba...hehe

fabienne und ich
damit auch alle wissen wie gut es uns geht. chch!

flaschenpost
obwohl nuet drin gsi isch.

Comments

[propfreak]

erfrüschend
schön emol öppis uf schwiizerdütsch z'läse im www. bin grad es bitzeli am luege woni denn söll ane wenni im november für 2 1/2 churzi wücheli det überedüse. das inseli tönt uf jedefall ganz nett. mal luege - und merci. Olav