Chachapoyas - Trujillo - Huaraz

---

do in Huaraz fangts jede moment afo regne, drom noetz ech die glegeheit ond aktualisiere min blog. nach mancora, hani relativ lang muesse bus fahre, zerst uf chiclayo ond de wiiter uf chachapoyas. en ortschaft im landesinnere vo peru. ech han die distanze do recht onderschaetzt, so hani fast 23 stond im bus verbrocht, met chlinere pause dezwoesche. aber wenni ned grad schlofe im bus, esches emmer interessant, dlandschaft aluege wo verbiistriicht ond staendig aenderet!! in chachapoyas acho hani mi inere tour agschlosse zom doeberbliibsel vonere festig vodem volk go aluege wo die region fruener mol beherrscht het, bevor dstadt vode inkas oeberno worde esch ond spoeter vo de spanier! am noechste tag beni met andere luet de drett hoechsti wasserfall vode welt go aluege, das behauptet zomendest die luet det, ond stemmt au wemmer alli drue wasserfaell zaeme zaehlt. en iischalti duschi onder de catarata de gocta hani mer natuerli ned lo naeh. am folgende tag beni weder relativ lang im bus onderwaegs gsi. nach cajamarca ond vo det no am gliiche obig nach trujillo. au do hani daenkt dass i das i vell weniger ziit chan mache, aber de tag esch trotzdem ned foer nuet gsi. die strecki esch absolut einzigartig gsi. unzaehligi korve, rechtig steili abhaeng, wenigi centimeter vo de raeder vom bus, ond unberuerti landschaft. so stell ech mer fast sendi vo de welt vor, so ablaege esch das gsi, onds iidroecklechste, det stiiged au emmer weder luet us. unglaublech. in trujillo hanech de oepis wiiters oeber gschecht vo peru kenneglernt. ade kueste het naemli es volk glebt, aehnlech wie daegypter, ond vo dene staedt esch au nochli oepis oebrig blebe. d'Stadt chan chan. nochere wiitere uh bellige aber super feine malziit, hani de de bus wiiter uf huaraz gno. do hani ide letschte taeg de Santa cruz trek gmacht, ond han de au nochli verlaengeret, om wiiteri fast 1500 hm ond ca 20 km Distanz. ei teil devo haetti au met eme bus choenne mache, aber die hend all kei plaetz meh gha, und sagebot vonere peruanische familie es taxi znaeh, si zahlet z5te 75 soles, ond ech elei 125 soles, hani dankend abglehnt ond be de halt glofe. aber es send ned all peruaner so, so hani vorgester im huus vonere peruanische familie choenne schlofe, oepis woni recht froh gsi ben, well i dem dorf alli chend zo mer gspronge cho send, bettelnd foer esse oder geld, ond ech mer bi dem ned ganz wohl vorcho ben. emene alte ma womi nach es paar chopfweh tablette gfrogt het, hani die de doch gaeh, was wetti mache, das gets det anschiinend ned... im gross ond ganze send die paar taeg ide cordillera blanca super iidroecklech gsi, omgaeh vo 16 6000er oder so, do gets einiges zstuune, aber es esch secher au mega astraengend gsi, so dasi hoet chli am chraenkele ben. aber das got weder verbii 😉 ech woensch uech allne schoeni wiiehnachte ond scho mol e guete rotsch. ond dass all uechi woensch in erfoellig goend, haha.

---

Photos

sreisegroeppli in kuelap
ech be emmer de joengst =)

ufem santa cruz trek
met de camping usroeschtig woni vo zwoi oestriicher ha choenne uslehne