Buenos Aires (Tigre - Creamfields)

---

jetzt beni scho fast drüehalb woche onterwägs. esch scho es ziitli, abr es got no es ziitli besi wedr heichom. und wenn die nöchste woche e so werded wie die letschte drüü, denn, boah, hammer!! me gusta buenos aires. viva la vida. und so. ? nei sesch wörkli super. es gfallt mer emmer no, dschuel esch recht sträng, met 6-7 stonde pro tag, abr ech fend so för 2 woche spanisch chani scho huere guet spanisch. ech ben smu sälber mängisch erstuunt wenni mi so rede ghöre... oder andere zuelose und alles verstand was säged. und je länger ech do ben desto meh werdi zomene chliine porteño. seit amu mini gastmuetter wenni wedr mol erst am 6i, oder wie einisch erst am 9i am morge heichom. dstadt gfallt mer abr au wells do eifach super lüüt het. lüüt wodi wend usraube abr du besch ne en schrett veruus. das esch no lostig 😉 bes jetzt eschs au emmer ufgange. haha. nei abr vo de schuel und dör die lüüt hani scho vell lüüt kenneglernt, lüüt woni evt au bim reise nochhär werd träffe!! jo was gets no zbrechte..

de tag us beni ide schuel, am obig im usgang, am lerne und wenni mer das mol gönne, am nocheschlofe =P einisch semmer ade bomba de tiempo gsi, en improvisierti drum session, einisch go riisigi burger ässe, einisch amene studente"intercambio" wo meh es studente betrenke gsi esch abr mer het sech au dä no zor genüüge unterhalte, und natürli abartig geil, es house ond electro festival letscht samstig!! boah, hani grad e tag lang nüme ghört ufem lenke ohr... zzz...

ah jo ond in tigre semmer au no gsi amene wochenend. das esch en stadt wo im floss delta vom rio parana liit. no es echt speziells ambiente, vell ort wo nor met em scheff erreichbar send!! ech hoffe dehei lauft au alles prima, und ech dänke au mängisch ad schwiiz, vorallem wemmer so belder vo verschneite berge gscheckt werded... boah. demfall, !hasta la próxima!

---