Advertisement
Do. 11.05.2006, 21.15h Club Atletico Riverplate vs. Libertad de Paraguay
mit uesem hostel hemmer a dem obig choene e fuessball spiel go luege. die chance hemmer ues noed entgoh loh. hend sie scho letscht mol verpasst de abegg und ich. und drumm hemmer denn au de eigentli tueri gspass zahlt und am halbi siebni isch ues en bus cho go abhole bim hostel. (chlini amerkig: go fuessball luege in argentinie als touri isch noed umbedingt ungfoehrlich, also au as iheimische noed, falscher ort, falsche zeit und sou) anyway, leider isch nur es spiel vo riverplate moeglich gsi. boca wommer ueber alles gern waehred go luege isch leider ziittechnisch noed machbar gsi. however. also abgholt mitem bus. e horde anderi vom hostel am start und am fuessballplausch isch nuet im waeggstande. dbusfahrt het jeenes lang duured, isch halt au gad rush hour gsi uf de strosse vo Bs.As. und obwohl mir d'avenida 9 julio gnoh hend mit oeppe 20 spure hemmer glich kei schnells witercho gha. egal. im stadion acho simmer vo uesne begleiter zum richtige ort glots worde und obwohlmer fascht 2h vorher doete gsi sind hets jeeeeenschti lueet gha. zerscht isch denn no e vorspiel gsi vo de juniore
und bis am viertel ab nueni isch denn stadtion volle gsi. ussert de beide sicherheits abstaend zu de wehnige fans us paraguay. soviel i vernoh han sinds 60 tuusig gsi. isch uebrigens sgroeschte stadion vo argentinie. however.
scho bevor de match losgange isch. hets die geilschte fangsaeng geh wonni jeh ghoert han und so. ganz fett. und alli mached mit. noed nur de fansektor sondern sganzi stadion und choentmer do filmli druflade, wuerdi da mache, aber chammer leider noed! however. wo dspieler iglaufe sind isches eifach abartig luut gsi und jeenes faetzli und baender und und und. sind gworfe worde. nochig churz vorem spielstart isch no e fahne usgrollt worde. so gross do verrecksch. bim ufebringe vo dere fahne (wo sie no zemmegrollt gsi isch) hets usgseh wie en riise anakonda wuerd is stadion laufe. bild. spiel isch denn mit typischer suedamerikanische teatralik und haerti ueber buehni gange und riverplate isch zweimol im rueckstand gsi, wa aber de stimmig nuet het no leh no. sganze spiel isch gsunge worde. ab und zue hesch e schlaegerei gseh, aber suess alles perfekt und mit panchos und mani (hot dog und nuessli) hemmer au was zum esse gha. nochem spiel wieder back home,
fans 3
das tuch. krass!und alles isch ring gsi. unvergaesslich sowas, do choented sich alli fans i de schwiz mol e schiibe abschniiide. soviel lideschaft wie do hani no nie i mim laebe gseh. aber ebe, het au dschattesiite, wells halt maengmol denn usartet, well dmannschaft ueber allem stoht (bild, fuer e contra kampagne). peace
Advertisement
Tot: 0.075s; Tpl: 0.009s; cc: 10; qc: 53; dbt: 0.0422s; 1; m:domysql w:travelblog (10.17.0.13); sld: 1;
; mem: 1.1mb
