Advertisement
Published: February 1st 2007
pinacles...
aen super platz zum verstickis spiele... aber mached eus kei sorge, han d romy wieder gfunde!hui, etzt bini tatsaechlich scho ueber 1 wuche da im schoene autstralie! ziit fuer ae ersti bilanz!
d reis isch tip top gange. nachdaemi mir dae best sitz (genau i dae mitti vo dae reihe) usgsuecht ha haed mir min sitznachber grad zerst mal vo siim uswurf verzellt & afange wie aen verruckte umehueste. das haed sogar mir dae appetit verschlage!
am erste tag simer natuerli diraekt an beach und ich han mir au grad s ohr (inkl. trummelfaell) verbraennt! naja, s gid nuet wos noed git! am abig haemer dae romy ihre geburi im kings-park wellae fiire. nacheme 1-stuendige marsch durd dunkelheit haemeren aber immer nonig gfunde und euses picknick halt anere bushaltestell usbreitet. so richtig gmuetlich naebedere 6 spurige strass! dae kings-park simer daenn am naechste tag im helle nomal go sueche! mitere superschoene ussicht isch eusi mueh daenn au belohnt worde!
die letschtae 7 taeg simer mitere tour d westkueste duruf greist bis nach exmouth. natuerli haemer vo afang a aen guete idruck gmacht und grad scho mal d abreis verschlafe. wies bisiwaetter simer ufgstande & haend packt wo eus dae guide is zimmer aglueted haed. naja, als australier soett er sich warte ja gwoehnt si...:-)
rock climbing...
s foetli nachdaem mer ae 200m hoechi felswand duruf klaettered sind... :-) au, chli sport mues si! eusi international gruppe isch raecht lustig gsi & d abig sind vo tag zu tag lustiger worde...:-)
will exmouth 1260km vo perth waeg isch, haemer aen grosse teil vo eusem reisli im bus verbracht. aber waenn ab und zue aes kangaroo oder aen emu ueber d strass raennt oder mer im outback ame sunnyboy hilft siin raennchare azstosse gaht au das ziemli gschnaell verbi! waemer mal noed im bus all moegliche sitzpositione usprobiert haend haemer au ganz vill gseh: wunderschoeni landschafte i dae nationalpaerk, kangaroos&emus ufem campingplatz, aen strand nur us muschle, d pinnacles, fisch i allne farbe bim schnorchle, d fueterig vo freilaebende delfin im meer,....
aes highlight isch daenn au s tauche am ningaloo reef gsi. d romy & ich, s erst mal zaeme ufem meeresgrund! zum glueck verstoehmer eus ja au ohni wort! s tauche isch aber noed nur waeg dae schoene koralle & dae hunderte vo farbige fisch (inkl. anere 2m breite roche!!) super gsi, sondern au will mer daenn aendlich vom boot waeg haend choene. s haed naemlich so fest gwinded und gschauklet das sich all wiiss wie schwiizerchaes ad reling klammeret haend! obwohl mer d fisch eigentli noed soett fuettere haend aes paar ihre
wildlife spotting
aes paar ganz saelteni strandbewohner in coral bay... mage is meer entlaehrt...
im momaent simer grad wieder in perth i eusem gruusig draeckige backpacker stationiert. euse tandem usflug uf rottnest island gester isch super gsi. mir haend eus sogar nur 1 mal verfahre!! wunderschoeni maenscheleeri straend, sunne, tuerkissblaus meer... so laht sichs laebe! und am abig haemer eus nomal mit eusere tour-gruppe zum znacht troffe. und nach aes paar glesli (oder au flaeschli) feinem und vorallem billigem autsralischem wii simer daenn im postiwaegeli no in usgang gfahre... meh muesi glaub noed daezue saege. mir haend uebrigens aes neus hobby: wcs foettele....
also, ich wuensch eu allne ae gueti ziit und wie mer da so schoen seit: see ya!
cecile
Advertisement
Tot: 0.076s; Tpl: 0.01s; cc: 13; qc: 53; dbt: 0.0438s; 1; m:domysql w:travelblog (10.17.0.13); sld: 1;
; mem: 1.1mb
mamutschka
non-member comment
endlich ha sogar ich use gefunde, wies gaht, dini geschicht wieter zläse, super gemacht, sehr interessant, hami riesig gfreut, eu beidi "fascht" live zgesh. ganz liebi grüess