Advertisement
Published: January 9th 2008
Edit Blog Post
小樽 -> 小樽古運河遺跡 -> 水晶音樂城 -> 札幌狸小路 唔知係咪心理作用, 尋晚浸完硫磺溫泉後硬係覺得自己仲有好大陣硫磺味~ 匆匆吃過早餐就坐車到小樽喇! 雖然我對情書呢套戲印象唔太深, 但都感受到呢個地方好寧靜浪漫~ 起運河附近狂影相, 忽然又落起大雪, 令到整個地方好靚好優美~ 小樽係個玻璃製品出名既地方, 沿路見到d玻璃舖頭既作品真係好靚好名貴~ 因為我地一個上晝要去好多地方, 所以把握時間先到水晶音樂城~ 拿左紀念品後就衝上3樓睇, 果度有得自己去整1個獨一無二既音樂盒, 自己揀音樂, 盒既形狀, 裝飾物~ 我都心大心細唔知整唔整好.... >_<" 後尾都係衡量過比既價錢同現盛整好既貴少少, 但如果整得唔靚真係dum心~ 所以都係決定睇下1, 2/f既音樂盒~ 真係好大, 勁多不同類型既音樂盒! 花多眼亂..... 樣樣都好靚!!! 後來買左個chip & dale音樂盒, 同埋1個木既音樂盒, 轉動音樂盒後上面3隻貓咪會左右搖, 好得意~ 個職員好pro!! 無論乜野形狀既音樂盒三兩下手腳就包好, 包得快不在話下, 還要包得好靚~
時間無多, 衝去飲coffee拿hello kitty杯! 起小樽既銀之鐘1號或2號館就可以飲完coffee/tea後, 洗返乾淨拿走hello kitty杯就據為己有的~ 我地去左2號館, 果度有4款hello kitty 杯揀, 我揀左透明紫色玻璃杯連碟, 十分靚!!!!!! 雖然件cake係普通既牛油蛋糕, 但好香好好味, 我極少飲coffee既都覺得果度既coffee好好飲, 暖lup lup~ 間cafe有埋sink盆比客人洗杯的, 我地快快手洗完就去繼續影相周圍行~
出到去剛剛12點正, 水晶音樂城正門外既蒸汽鐘一路噴出蒸汽, 一路播起音樂, 音樂聲傳遍整個地方~ 跟住走馬看花地睇d玻璃舖頭, 實在唔夠時間!! 最後去左導遊話正宗賣6層雪糕既地方食雪糕, 就起北一哨子館旁~ 我地見到有12層雪糕, 上面仲有個雪人仔(威化餅)!! 唔想0甘多就叫左1個12層雪糕幾個人share食!!! 原來12層中, 最下既6層其實係repeat上層6隻味~ 每層分別係檸檬, 薰衣草, 蜜瓜, 抹茶, 牛奶, 朱古力味~ 要趕住起集合時間內返上車, 所以食得勁趕! 最後果6層一路行一路食, 凍到入心入肺!! 但係真係好好味呀, 每隻味都好香濃比足誠意!
上左車跟住去左間酒店食lunch buffet, 附近就係狸小路大街~ 起狸小路買左對波鞋比自己, 平過hk好多, 而且hk冇呢隻款, 還買若干樣野食手信~ 更行左100yen店, 地下街, 好多...... 野行呀! 行極都好似行唔晒~ 樣樣野都好想買! 逛左成個下晝就坐車去橫丁拉麵街~ 逗留既時間唔多, 而且距離食夜晚果餐只有半個hr多d, 所以冇食到拉麵影影相算喇~ 起拉麵街前我地見到有個婆婆拉住架益力多手推車, 導遊話婆婆賣既只係起日本先有既400億乳酸菌益力多, 當然對我地黎講飲落去味道同100億乳酸菌係冇分別既! 婆婆好nice, 同佢影左張合照~
夜晚呢餐真係大魚大肉.... 去左食shabu shabu~ 我地叫左和牛, 鮑魚刺身同埋燒鮑魚~ 先食左塊普通牛再試和牛, 塊和牛真係好味到暈! 而我覺得燒鮑魚好食過刺身, 燒鮑魚係師傅即場燒比我地, 所以食到好香好鮮既味道, 而刺身就好爽口, 但唔係好慣生吃~ 食飽飲醉後返酒店休息, 因為第2日要狂坐飛機好早起身~
Advertisement
Tot: 0.069s; Tpl: 0.01s; cc: 10; qc: 28; dbt: 0.0308s; 1; m:domysql w:travelblog (10.17.0.13); sld: 1;
; mem: 1.1mb