rio de janeiro - buenos aires


Advertisement
Brazil's flag
South America » Brazil » Paraná
October 30th 2013
Published: October 30th 2013
Edit Blog Post

muess scho säge, öperem för 4 mönet tschüss säge esch ned eifach. bsonders schwerig eschs wahrschiinli för die wo dehei bliibed, obwohl au die wo gönd vell gmeschti gfühl hend! vorfreudig, gspannt uf das wo uf mech zue chond, nervös abr natürli au extrem glöcklech beni de also am ziistig morge früeh dörd uswiiskontrolle am floghafe. met einere stond verspötig beni am 9 ortsziit in rio glandet. en schäbige floghafe, wo abr sin zweck erföllt. met em tom woni im flogzüüg aquatscht han, well er näbe mer gsässe esch hani mer denn es taxi teilt, is hotel, meh oder weniger direkt ah de copacabana!! am nöchste tag hani mi ufe rechtigi touristetour buecht ond han en chliini stadtfüerig gnosse. esch super gsi, schad nor, dassd jesusstatue komplett im näbel gsi esch, dstatue zwar scho gseh hesch aber dpostcharte ussecht vo det obe hesch halt ned gha... ned wiiter tragisch. rio hez mi beiidrockt, eimoligi lag vonere stadt, abr dstadt selber esch eigentlech ned allzu schön, vorallem wemmer vo nöchem luegt. darmuet esch mer eifach zgross, öberall present und imene riise kontrast zo gwössne baute!! foz de iguazu, die stadt bide wasserfäll, esch zwar no ärmer gsi, hets mi dönkt, abr det hani mi einiges wöhler gfühlt ond au znacht uf dstrosse trout. interessant esch dass do gwössi sache wie busfahrte pnd esse recht bellig esch anderi sache abr fast tüürer als bi üs...

am nöchste tag beni de bi dene unglaublech mega krass erschlagend iidröckleche wasserfäll gsi. do laufsch inere rondi die wasserfäll ab und nach jedere korve dänksch jetzt hets de secher kene meh, abr jedes mol chont wedr eine wo mindestens 2 so gross esch wie die wo bes jetzt scho gseh hesch- es esch gewaltig!!! am gliiche tag beni no imene vogelpark gsi. det hets vögel gha wonech bes jetzt emmer nor im fernseh oder uf belder gseh han. es get si wörkli die vögel und si send huere schön!!! am tag denah beni no uf de argentinische siite vode fäll gsi, nor halb so iidröcklech jedoch!! jetzt beni in buenos aires ond die stadt gfallt mer mega. vor em fenster osse huupets jetzt scho set ca. 10 minute dorchgehend well öppe en bus zmets uf de stross abglege esch... jäno.. und die lüüt do hend mi au beiidrockt.. in palermo wonech wohne, de riisigi park, am sonntig, hettisch fast kei platz gfonde. öberall gnüssed lüüt met erne familie dsonne ond trenked mate, sone tee, ech hanen ned gärn aber dlüüt do verehred en...

znachtesse dönds do zom teil erst am halbi zehni, scho komisch abr sstört mi eigentlech ned so, essi halt am nomitag för 0.80- no ei oder zwoi empanadas, sones mega feins gebäck do!!

der gsend mer gots super ond froi mi uf jede tag wono vor mer liit, hoffe dehei laufts au boi allne guet! gruess, Marco


Additional photos below
Photos: 9, Displayed: 9


Advertisement



Tot: 3.02s; Tpl: 0.049s; cc: 10; qc: 48; dbt: 0.0496s; 2; m:saturn w:www (104.131.125.221); sld: 4; ; mem: 1.3mb