Salvador

---

ha, de service ufem flug vo rio noch salvador isch jo erstklassig gsi. do cha sich oeppe e europaeischi airline en schibe devo abschnide. however, noch de akunft simmer denn zeamme mit zwei britinne noch barra gfahre (stadtteil a de bucht vo todos os santos, allsaints bay) und hend doete lager bezoge im albergue de porto. e wunderbars hostel. zwor chli tuer aber sicher e gueti residenz fuer uesi next two weeks. well jetzt isch jo schuel agseit gsi. zwei wuche portugiesisch, so dass mir au mol endlich faehig sind, zum mit dene luetlis zrede. oder besser gseit verstande zwerde. hehe. however. die erschte paar taeg aber in salvador hemmer eifach mol chli mit erkunde vo uesem vierteli verbrocht, well jo dschuel erscht am maentig agfange het. sogar an strand hemmer eimol choene. wa nochig denn eigentli niemeh moeglich gsi isch. so dann, maentig morge und es heisst wiedermal schuelbank druke. sind inne tiptoppi klass inecho, zaemme mit de isolde vo oeschtrich und ere aenglenderin wo aber meh noed cho isch als umgekehrt. am mittwuch vo de erschte wuche isch denn no e amerikanerin zue ues gstosse wo zunnere gruppe vo oeppe 20 lehrchraeft ghoert, wo zur bessere integration vo brasilianische immigrante im state giorgia uf brasil choemed go portugiesisch lerne. ha, mol was einigermasse sinnvolls vom amerikanische staat. egal. die erschti wuche isch denn wunderbar schnell verbi gange und mir hend doerfe netti luetlis kenne lerne. am meischte ziit aber hemmer zaemme mit zwei schwizer und de isolde verbrocht. isch halt doch eifacher zum mundart rede, als portugiesisch ;-)
ich und de pascal (ebe de einte schwizer) hend uesi ziit vorallem am fuessball gwidmet. hehe. wunderbar, wird natuerlich jedes spiel live uebertreit und dackick ziite am 10/13/16h sind ideal. also ussert die am zaehni. so hemmer denn au mit extremer liedeschaft serschti schwiz spiel innezoge. sind natuerlich die einzige gsi, wo das interessiert het. well in brasilie gits brasilie und suess nuet. aber au ring. ha natuerlich trotzdem mis nati-shirt ueberzoge und bin so dur gasse zoge. aber schlussendlich het glaubs leider glich niemmert gwuesst, wa da fuere shirt isch. jo, etz simmer scho i wuche zwei mitlerwiile scho bim praeteritum aglangt und sfutur het denn no gfolgt. isch also wuerkli guet investierti bazze gsi do i de schuel und mir hend bi uesere lehrerin, de ângela wuerkli guet glaernt. zum schluss vo de schuel simmer denn no anne candomblé zeremonie gange. da isch recht interessant gsi. glaubed do doch sehr vieli luet a ihri orixas, enart goetter vo verschiedenschte erdliche sache. zum bischpiel vom wald oder vom wasser und sou. isch recht abgange und mir mue glueck ha ueberhaupt anne sottigi zeremonie zchoene, well doet eigentli kei touris toerfed goh. churz beschriebe isches eifach e im kreis watschle gsi, also noed vo ues aber vo dene luet wo doete mitgmacht hend, und da zumene so permanente beat, dass jeeni in trance keit sind und so. schono idruecklich. aber leider hend mir jungs chli en schlechte platz gha und noed gar so viel gseh.
am letschte obig denn simmer no fein go aesse mit uesne gspaenli, sogar e krabbe hemmer gesse wommer het muesse mitem haemmerli ufmache. hehe. speziell gsi. und denn hemmer no anere wunderbare samba musig doerfe biwohne, natuerlich zumene caipirinha. sodeli, etz gohts uf morro de são paolo...e insle chli noerdlich vo salvador...

---

Photos

salvador im brasil fieber
natuerlich wie ueberall. da isch uebrigens de platz wo de peter balzli amigst stoht. eifach ohni luet.die ganz stadt isch so gschmueckt.

fruechte...
hm, die sind so fein do . eifach herrlich.

mercado modelo
a dem ort sind einschtmols d'sklave in salvador acho.huet isches en artesanias markt. und im vordergrund gsehnder dfabienne und uesen ch-kolleg de pascal.

sonnenuntergang
porto da barra. direkt wo wir gewohnt haben...schoen oder...