Lima - Huacachina - Machu Picchu - Bolivia


Advertisement
Bolivia's flag
South America » Bolivia » La Paz Department
January 9th 2014
Published: January 19th 2014
Edit Blog Post

das met em regelmässig de blog update esch mer ned wörkli glonge. wenn ech zrögg dänke was ech det huaraz scho weder alles erläbt han. boah onglaublech. nach huaraz hani en nachtbus nach lima gno. det hani bimene schwiizer, en zörcher wo sett es paar johr zlima wohnt, chönne öbernachte. aber dstadt het mer ned bsonders gfalle ond er esch halt emmer no en zörcher gsi, het also eifach ned welle ufhöre rede 😉 nei aber es esch en mega netti geste gsii! nach lima hani en usflog zo de islas ballestas gmacht, dgalapagos insle för die arme!! aber sesch trotzdem mega iidröcklech gsi, ond womer nochhär met üsem speedboot no fast e stond met eme kabutte motor im meer trebe send, beni froh gsi hani das gmacht. wörklech en lostige usflog. wiiehnachte hani in huacachina verbrocht, en oase ide riisige ond wiitläufige sanddüne-wüsti-sahara-mässig im süde vo lima, ide nöchi vo det wo de pisco sour härchont!! nachher eschs öber nasca nach cusco gange. ufem wäg det änne het mi fast polizei abgfüert wells sgfühl gha hend ech siigi en blende passagier. ond das nor well ech uf dere 20 h busfahrt ergendwenn ganz henne im bus ufem bode ben go schlofe 😉 in cusco hani de no en kolleg vo BA troffe, de timour us belgie. mer hend de aber beid noch die stadt glii weder verlooh, ech rechtig machu picchu, er rechtig süde. machu picchu esch de absoluti hammer, wemmer de mol det achont, well die reiseagenture veronmöglechts der fast uf eigeni fuust det azcho. aber bimene mojito imene thermalbad onter freiem hemmel zmets im jungle chamer au mol öber die strapaze hinwäg luege. nachhär beni wiiter ufne 2 tagestour ufem lago titicaca, en see, uf knapp 4000 meter ond en 5 tel so gross wie üsi chini härzigi schwiiz. nach em silvesterobig met de lüüt, vo dere tour, vell füürwärcj ond so wiiter hani de am 1. januar dgrenze nach bolivie öberschrette. bolivie, genial. downhillbiking uf de gföhrlechste stross vo de wält, führig ond schaffe i de selbermine vo potosi, bi strömendem räge inere heisse lagune bade, x stonde ufem bus verbrenge, als einzige tourist unter 40 bolivianer... und ye drüütägig trip vom salzsee vo uyuni bes ond dordatacama wüesti, de trochnesti ort uf dem planet!! uh iidröcklech! ond es gäbt no so vell zverzelle, aber ehrlech gseit, ech well jetzt grad lieber do in salta in nordargentinie im swimming pool es bier ond dsonne gnüsse!!

es got mer uf jede fall rechtig guet!!

suess, so hani de text gschrebe bevor mer am tag denoch ide provinz jujuy vo argentinie usgraubt worde send... mer, de nelson ond ech. en hani zbuenos aires ide schuel kenneglernt, ond det hemmer ebe gseit, dass mer im januar zaeme in argentinie omereise wend. am 8te januar hemmer ues also in salta troffe ond hend ues am noechste tag es auto organisiert ond send zaeme met em antoine, en belgier, wo mer au us Bs As kenned ond per zuefall in salta troffe hend, 5 taeg doer de norde vo argentinie duesed, oeber ches/sandstrosse, doer chliini floess ond baech, oeber stock ond stei, met eme auto wo definitiv ned foer das daenkt gsi esch, aber mer hends ganz weder zrogg brocht. bilanz nach dem roadtrip. ebe usgraubt worde, also minus 2 labtops, minus 1000 dolar, minus 2 paess, minus velli adaenke vo de restleche reis, minus vell anders praktischs/wechtigs zuegs... aber natuerli au mega vell lostigi moment, 1 nacht ufem bode im hostelzemmer vo es paar kollege, ei nacht ime zelt, eini zmets ufem salzsee, amene fuer met fernet ond cola, ond eifach unglaublech vell unglaublech unvergesslechi iidroeck. nach salta hemmer chorz en abstecher uf Bs As gmacht, id schwiizer botschaft, zwoi noii paess hend aenne moesse. es esch gsi wie hei cho, absolut genial, die stadt het sech ide zwoescheziit ned fest veraenderet, mini liebi zo dere stadt au ned. M


Additional photos below
Photos: 57, Displayed: 24


Advertisement

atacama wüesti fuessballteamatacama wüesti fuessballteam
atacama wüesti fuessballteam

sell mol öper säge im militär lernt mer nüt, hani us chleider ond chläbband en fuessball bastlet, ned us langewiile sondern welld chend det keine gha hend. hend amu en riise freud gha...


Tot: 2.927s; Tpl: 0.048s; cc: 11; qc: 44; dbt: 0.0372s; 2; m:saturn w:www (104.131.125.221); sld: 1; ; mem: 1.3mb