Advertisement
Vo Travellers hani ghört das de Titicacasee viel schöner vo bolivianischer Siite zbewundere isch als vom peruanische Puno us. Im chline, touristische Copacabana achoo, haut mi fräch eini vo Holland ah. Woni hüt Abig schlaf, öbmer wännd es Hostelzimmer teile. So guet wiemer ois verstande händ, hämer beschlosse, am nächschte Tag no mitme Kolleg wo gnau so sponti dezue gstosse isch, d Isla del Sol (Sunneinsle ufm Titicacasee) zbsueche und zbewandere.
Ufme gwagglige Boot simmer nach 2h all froh gsi, äntli uf de Sunneinsle acho zsi! Als erschts häts mal 3h in Norde voe Insle wandere gheisse, bevormer ois ufd Suechi nachme Hostel gmacht händ. Willmer vor Sunneuntergang händ wele über d Insle tschumplett sii, hämer ois gad uf de Weg gmacht.
Die schöne Ussichte händ ois während de ganze Wanderig zum stuune bracht! Ufm Wäg vo Süd nach Nord simer no vilne Tierli begägned, wo ois aml nach Lust und Luune begleitet händ. Am treuste isch es ginger-farbigs Säulig si (häsch das schomal noimez gseeh?!) wo öpe e halb Stund mit ois mittschalpet isch.
Mit seeeehr hungrige Büüch simmer entli i dere Ortschaft namens Challapampa, im Norde vo de Isla del Sol, acho. S hät es paar
eifachi Hüttli als Hostels gha und nachdem mer ois i eim installiert händ, simer uf Ässenssuechi gange. Das Gfühl i dem Moment, wo de Chällner cho isch mit Fleisch, Ei und Riis ufm Täller wirdi nöd so schnell vergässe, so guet isches gsi!
Next destination: Cusco and Macchu Pichhu
Advertisement
Tot: 0.106s; Tpl: 0.01s; cc: 12; qc: 57; dbt: 0.0666s; 1; m:domysql w:travelblog (10.17.0.13); sld: 2;
; mem: 1.1mb
