Buenos Aires

---

Also do emol e paar erschti Idrück vo BA. Ich han es mittlers Hotel z mitzt im Zentrum gfunde - sehr bequem zum z fuess e bitz go d stadt erkunde - uf dr andere Site halt au bitz lut - aber das bin ich jo vom Mässplatz z Basel gwohnt. Vo dr Stadt bin ich sehr positiv überrascht. Si verbindet dr Charme vo Paris mit de alte schöne Hüserfasade und de vielne Platane-Allee, mit em Klima vo Miami und em Läbensstil vo de Cubaner. Alles in allem e sehr vibrierendi Mischig. Ha mi au nie unsicher gfühlt in däne paar Täg (OK, bi au nid mit em Fotiapparat und dr Golduhr in d Vorstädt go luege) - aber wenn s z Nacht am 10i imene Stadtpark no kleini Kinder elai uf em Spielplatz am spiele het, so git eim das scho e bitz es Gfühl vo Sicherheit. Was nid so agnehm isch , isch d Luft. Dr Verkehr kunt problemlos an Bangkok ahne und d Autos sind au nid viel modärner. Doch troitzdam isch alles sehr grüen do. es git vieli Parks und au in de Stroosse hets überall Bäum wo violett blüehe oder scho agnehme Schatte spände. Das ligt aber glaub au dra, dass im Momänt immerno früehlig isch do. Im Summer wenns denn Trocke wird, gsehts wohrschinlig denn scho nomol e bitz andersch us.

Was sunscht uffallt isch, dass glaub alli Buenos Airianer e Hund händ. In de Parks im Business Vierel gits sogar eigeni Hunde Tagesheim. Ighagti Bereich, wo me dr klei Köter ka abgäh während me denn ins Büro goht go schaffe.

D Stadt sälber isch nach amerikanischem Vorbild quadratisch ufbaut. Das machts eigentlich eifach, sich zrächtzfinde. Am erschte tag bin ich denn trotzdäm zwei Blocks in die falschi Richtig gloffe, well ich voll überzügt gsi binn, dass ich nach Noorde lauf, wenn ich mi Schatte vor mir uf em Boode gseh. Wo denn die Querstroos mit em Hotel eifach nid het welle ko, han is denn gschnallt, dass do d Sunne am Mittag jo nid im Süde, sondern im Noorde stoht. Nüt me mit "Nie Ohne Seife Waschen" do heissts eher "Ohne Nie Waschen".

---

Photos

Die Av 9 de julio
Ist angeblich die breiteste Strasse der Welt. Eigentlich ist es eine Autobahn, die durch die Mitte des Stadtzentrums führt. Das Foto habe ich von der Mitte der Strasse aus gemacht.

El Congreso
... ist das Regierungsgebäude

Was die Argentinier über ihre Nordamerikanischen Nachbarn denken ...
... das oder ähnliche Statements kann man an vielen Orten auf den Strassen und an den Häusern lesen.

El Microcentro
... die Hintergassen des Zentrums sehen etwa gleich aus wie in allen Grossstädten ... hektisch, dreckig und mit Verkehr verstopft ...