Airlie Beach - Whitsundays - Magnetic Island

---

Am obig womer vo Fraser Island zrugg cho send, hemmer alli zäme, oder zumindest die meiste, Pizza bstellt. 1.5 Pizza för 10 $. Genial. well mer vell zvell gha hend, hemmer ergendwenn agfange es Wettesse zmache. De gwönner het 19 stück Pizza gässe, das send knapp 2.5 Pizza (und denn ned chlini), und de gwönner ben natürlech ech gsi. =) am nöchste Morge beni met em Chris und em Steve, 2 us London nomol zrugg uf Fraser Island, in Kingfisher Bay resort womer gratis hend chönne es kanu miete, alli pools nötze und üs echli vo de letschte 3 täg erhole. am obig zrugg in Hervey bay hanech de bus gno womech am nöchschte morge, ned wörkli usgschlofe in airlie beach usgsetzt het. In Airlie Beach, hanech mini Kamera chönne repariere, bzw. si het ergendwenn eifach weder afo funktioniere, und han en wiitere plägertag gmacht. Am nöchste Morge ben ech ufem 20 minütige marsch zom supermarkt fast ame Hitzetod gstorbe. Jo es esch also au am 10i am morge scho öber 30 grad do. Uf magnetic island, woni jetzt grad ben scheffets zwar grad in ströme met eme chliine werbelstrom in ussecht aber zo dem spöter. Womer denn a dem mettag üses sägelboot boarded hend und üs igrechtet hend, es chliises safety briefing aglost hend, esches losgange rechtig whitsunday islands. SOOOOOOOOOO gmüetlech. ech liebe sägle. die nöchste drüü täg, semmer uh vell go schnorchle, hend wonderschöni koralle und fesch gseh, hend d'whitehaven beach agluegt, de ageblech zwoitschönschti strand uf de ganze welt, hend det stachelroche und haie gseh, hend es chlises photoshooting gmacht, gsönnelet und so wiiter, mer send rechtig verwöhnt worde, was ässe agot, hend sonneuf und untergäng gseh, ech ben met eme fesch umegschwomme wo so gross gsi esch wie ech, ben met scheldchröte gschwomme, wo secher omdie 80/90 johr alt gsi send, und riiisig... blablabla, ech chönt no lang wiiterfahre, es esch eifach nor genial gsi uf dem boot. Am sonntig nomitag semmer de weder zrogg gsi, ech han denn met 3 däne und 1 amerikaner es spots zmettag choched, a eine vo dene vellne BBQ statione direkt am strand und han mech nochhär, andersch als plant, spontan met de däne und erem camper anstatt met em greyhound nach townsville ufgmacht. uf dere strecki beni öppe 100 km sälber gfahre, was zwar komisch esch, so uf de falsche siite, aber eigentlech ganz okey. am tag nochhär benech öbere uf Magnetic Island, en chliini ensle vor townsville, met eme mega coole backpacker. gester beni do en chini wanderig go mache, ben uf dene riisige felsbröcke go ometorne und am obig hanis zäme met eim vo england und drü kanadier (wovo eine erst grad no ade australian open gspellt het, det usegheit esch und drum jetzt am reise esch) so reeechtig guet lostig gha. Mer hend zwar bide bar games ned gwonne hend aber doch en rondi spendiert becho, well mer ageblech s'sympathischte team gsi send. =) höt hani nomol en chlini wanderig gmacht, rund um festige usem 2. weltchrieg do uf de ensle, ned bsonders iidröcklech, das secher au wells wätter ned grad super esch. us dem grond esch au min fallschermsprung über mission beach und em great barrier reef abgseit worde, es wiiters problem woni mich morn werd müesse drom kömmere well ech well uuuuuuuuunbedengt go fallschermsprenge =) jetzt hocki grad im bett i mim 6erschlag und froie mech ufne wiitere amüsante obig do i dere Bar. glg Marco

---