School Start - The CAE C Gang ;)

---

Sodeli sit gester simmer also ide Schuel und sowiit isch alles guet gange. Mir händ euse iistufigs Test guet bestande und sind ez ide Advanced Gruppe C. Mi sind 11 Schwiizer, 1 Mexikanerin und 1 Spanierin, aber mir reded au usserhalb vode Schuel nume Änglisch. S Schwiizerdütsch füht sich fast scho komisch ah igendwie 😉

Hüt isches den richtig los gange mit Schuel und de Jim euse Lehrer het eus au gad klar gmacht wie das da lauft. Er isch en super Typ mit mä no bessere Humor aber sis Tempo isch rächt beachtlich. Naja mir händ ja au nurno 3.5 Wuche Ziit, wie eus de Jim immer wider ermahnt. Aber es isch guet das es so vorwärts gaht.

Nach de Schuel hemmer den no Papier, Ordner und Bleistift kauft und sind brav an Beach go Ufzgi mache. Eusi Gruppe teilt sich dadebii meistens i Zwei teil, die wo scho en Uffrischigs Kurs gmacht händ vorane und eusi Neuakommer Gruppe. D lüüt sind alli super und offe. Ich glaub mir wärded no vill Fun ha mitenand. Bereits bueched isch de Trip am Sunntig nach Seattle go shoppe inere riisige outlet Mall 😉 oléolé!!! Wasi au no wird mache isch in Whistler Campe, Wandere und River Rafting, das wird sichr mega! 😊

so ez bini fuul und gan is bettli, morn isch nämli Füürwerch aagseit und das wird spaat. Also stay well und bis gli, hugs 😊

---

Photos

North Vancouver
det wiit hinä ;)

Skytrain Station
Ussicht vode Busstation