School Days

---

Zwei Täg hämmer scho wider verbracht, aber vill isch nöd los gsi. Gester (Mäntig) simmer innere 3. Klass gsi bim Mr. McMahon. Es isch sehr interessant gsi ihm zuezluege, er achtet vill meh uf Disziplin und Ornig und es isch richtig agnäähm gsi. Au hemmer de Chind ide Mathi chöne hälfe und am namitag händs no für ihres Theater güäbt. Dadebii hämmer festgstellt, dass am Mr. McMahon en wahre Comedian verlore gange isch, sini Schauspiilkünst sind eifach genial komisch! 😊 Usserdem hämmer äntlich eusi Stunde für nächst Wuche wommer döfed gäh bestimmt, oleee!

Nach de Schuel simmer den mit de Gwenda in Morrison's, das isch so e art Migros nu öpe 5mal grösser. Es hät vo allem viiil meh als ide Schwiitz, aso öpe 100 sortä Cornflakes (under anderem Alpen Muesli with Swiss Recipe), 500 verschiedeni Joghurt und gfühlti 1000 sorte Toast, aber chum es aaständigs Brot. Mir hend eus aaständig zrugg ghalte sust wär de riiisigi Wage scho ide helfti vom Lade voll gsi mit feine sache 😊

Hüt simmer den bim Mr. Itziakovitis (oder so ähnlich) inere 2. Klass gsi. Er isch en rächte Bär und schiint igendwie ned soo motiviert z'sii, dementsprächend hätter au ned gwüsst das mir hüt bi ihm uf bsuech sind und mir sind i sine zimli öde Stunde chli umeglungeret. Am Namitag hämmer den eusi Stuneplanig vo gester vortgsetzt und sind ez au scho fast fertig mit allem, git wider es freis weekend in London 😊 Und ganz wichtig: mir händ hüt glärnt vo de Gwenda wie mer Crumbel (Das isch en dessert, han vo dem früäner schomal gschribe) macht, es isch mega eifach aber de oberhammer!!!! 😊

Ez luegemer nochli England- Ukraine und mampfed Guetzli 😊

stay well, take care und hakuna matata! hugs 😊

---