Dietwil-Neuenburgersee-Lac de Vouglans

---

Üsi Reis het üs zerst emol vo de Zentralschwiiz öbere Brünig a Brienzer und Thunersee gführt. Mer hend beid ned gwösst dass mer die ganzi Strecki au guet ohni Autobahn chan fahre. Mer hend debii die eint oder anderi schöni Strass entdeckt, womer nör chönd wiiterempfehle. Dennoch semmer öber Friibourg und Yverdon uf Concise gfahre womer praktisch direkt am See hend chönne öbernachte. Det hemmer am nöchschte Morge d'Regula und de Pius troffe (super sympathischi Verwandti vom Marco, wo au so en Bus hend) und send met enne de Creux du Van go erkondige. Nachere 3.5 stündige Wanderig, het de Marco sech denn no müesse dur en mühesame Bürokratie Marathon durekämpfe zum sini Fäde usem Fenger useznäh... tja... am folgende Tag semmer met üsem rollende dihei denn an Lac de Vouglans gfahre, es mega schöns stöckli fast unberüerti Natur, womer en geniale Stellplatz för üsi zwoi Büs gfonde hend, wos mol en schön warmi Openair Duschi gäh het und nocher au no es Kaffi Schnaps bimene gmüetle Jass. Jetzt send de Philipp und ech weder elei onderwägs, und hocked grad im Mc Donadls in Ambérieux (Frankriich). Vo jetzt ah esch sZiel, möglechscht schnell as Meer zcho, womer üs de wahrschiinlich snöchscht mol werded melde =) ganz en gueti Ziit,

mlg Philipp und Marco

---

Photos

de zweiti Stellplatz am Lac de vouglans
Soooo en geniali Ussecht ;) *Eifersucht macht sich breit*