Cannes-Marseilles-Avignon

---

Nachem Ässe im McDonalds semmer no es Stückli wiitergfahre rechtig Cannes. Mer hend zerst vorgha in Cannes selber am Meer es Plätzli zfende zom schlofe, hend denn scho glii aber ufghört troime, womer luuter verbotsschelder met Wohnmobil drofe gseh hend. Und spötistens sets üs Polizei vo Monaco erklärt het, wössemer jo dass mer au es "Wohnmobil" fahred. Aber zom guete Glöck semmer wiitergfahre is Massif d'esterelle. Das esch en felsigi Köstelandschaft direkt am Meer, und die felse send alli extrem röötlech und bruun. Eifach genial schön. Adem Plätzli hemmer au no d'Susi und de Sibi kenneglernt, zwoi düütschi studente, wo no nie es kaffeschnaps gha hend. Natürlech han ech das müesse ändere =) am nöchste Tag, welle wochetag au emmer, semmer rechtig Saint-Raphael, es herzigs hafestädtli und denn wiiter öber la route des cretes, en stross, 200 Meter über Meer aber vo de distanz her keini 30 Meter vom Meer ewäg. Vo det hemmer en super ussecht über d'Calanques gha, luuter felsigi Buchte vor Marseille. Det hemmer denn au es Schlofplätzli gfonde und es paar netti Lüüt kenneglernt. Zuedem hemmer üs no zor Attraktion vo dem ganze Hafedörfli namens Morgiou gmacht, well scampe det eigentlech verbote wär, und well dhiifahrtsstroos umega steil und eng esch und üs das niemert zuetrout het. Womers de weder us dere Bocht usegschafft hend, hemmer dwanderschue agleit und hend en 3-4 Stöndigi Wanderig dur das hügelie gebiet gmacht. Genial schön!! fast wie ide schwiiz, eifach andersch!! =) am
Tag druf, also gester semmer go Marseille aluege, hend gflueched und üs ufgregt bes mer en Parkplatz gha hend aber schlossendlech hets jo doch klapped. Am obig hemmer in leCollias ide nöchi vom Pont du Gard öbernachtet, und de semmer denn höt au no go aluege. Sehr imposant, übrigens. Ganz liebi Grüess us Frankriich!! Laura und Marco

---