guadeloupe 2

---

Eigentlich isch d nora no chrank, god also nonig id tschuel, aber für an strand ligge ischmer doch e nie z chrank;-) isch ja klar dassi mer am erschte tag grad no en sunnebrand hole, womi nacher no rächt gschellt het. s wasser isch extrem warm ond chillig. chli abwächslig zha vom under de palme ligge isch gar nid so übel;-) mer sind amene strand wo eher di iheimische ond franzose sind, aber trotzdem hets drü iibildeti französinne, wo a sech sälber x bikinis präsentieret...suscht chond immer wieder mal en alte guadeloupianer verbii, dauernd am kiffe ond am lüüt sägne. wennt ehm nid s peacezeiche zrugzeigsch, verfluechter dich mit woodoozeiche im sand=) au hets es paar behinderti wo voll easy intergriert sind. eine wott halt immer chli gäld woner denn wiiter verschänke chan, ond wennts ehm nid gisch, ischer tagelang hässig uf dech oder fangt voll a flenne a...:-)

am abig chillemers no met paar anderne schwiizer us de sprochschuel im apartment vode nora. einisch hemmer au mis fondue gmacht, woni mitgno han. sie hend rächt froid gha, vorallem halt en dütsche fonduefreak john. het scho voll stiel es fondue ide karibik z ässe, ned? ;-)

eigentlich hani mal no welle uf die ander insle übere, aber d ziit isch irgendwie so scho z churz. am strand ligge, musig lose, buech läse ond bädele isch aber au voll gmüetlich. s ässe isch generel fritiert, isch no krass wie fettig ässe überhaupt sii chan. defür wird eim am strand immer ananas ond anderi frücht zum probiere abote, mängisch sinds voll easy, mängisch halt rächt überegheit.

jo, sind paar cooli täg gsi, zwar chli chrank für vierehalb täg id karibik z go, aber für en erschte iidruck het sichs allemal glohnt. zum flughafe chomi denn zum glück miteme dütsche, wo e grad richtig flughafe fahrt. het mi ächt gschliffe, wenni nomal 40 euro het müesse zahle...

---