Hospital Pablo Arturo Suarez

Jetzt het offiziel mis praktikum im spital agfange. plant hanis für sächs wuche ond werd wohrschinlich dur di verschidnige statione rotiere, dasssi au möglichscht vell mitbechome ond denn hoffentlich au weiss übs s richtige für mich isch. wennmer anderi praktikante vo ihrem spital verzellt hend, hets immer gheisse, dassmer eigentlich fascht nüt mache chan. entweder isches eifach wäg de notfallstation woni bin, oder will die andere mini erwartige gsänkt händ, jedefalls gods mir voll ab. generell hälfi patiente verlagere (bettlägerigkeit vermiide) aber au patiente vo de einte statione zude andere bringe, am dokter asistiere wenn gneit wird ( min. eimal pro tag werde muess( desinfiziere, wunde reinige, de fade abschniede, wunde verpacke), chlini chind tröschte, patiente ufmuntere, ide endoskopie zueluege, röntge-bilder studiere ond mit de schwöschtere fachsimple, ...
s gid au en intensivstation ide notfallstation ond jede morge wenni chome sind d patiente vom vortag verstorbe. isch am afang no hert, aber mer gwöhnt sech dra.
bis jetzt hets zwoi heftigeri fäll gha. en 23 wo vom laschtwage agfahre worde isch, es klaffends loch im chopf gha ond suscht halt voll bluet gsi isch. de het ums verecke welle vode bare abe ond zu sinere muetter. mer hend echt voll müeh gha de z foifte i ligeposition z halte. äntli mit beruhigigsmittel vollpumpt hanien mit mit em dokter id ambulance brocht, äntli dine, fangter halt scho wieder a tobe ond riist sich d halskrause weg. hans no welle verhindere indem dassi inegsprunge bin, s resulatat isch en abgrissni halskrause ond dass plötzlich s auto mit mir abgfahre isch. hans zerscht gar nid gfrafft, isch aber cool gsi mal mit em chrankewage z fahre (zwar alt ond chlaprig, aber erläbnisriich).
de ander fall isch au luut ond wild: e frau (25i, gseht aber uus wie 14i, isch generell so da) wird tobend iiglieferet, sie schlad umsich, schreit, zitteret, lacht hysterisch ond denn wieder voll am flenne. ischmer voll igfahre, de andere au, will s het ächt so usgseh, als wär si vom exorzischt befalle!! voll phasemässig. hansi zum teil fascht nid chöne is bett drucke, die hed unbewusst so vell chraft gha, dezue chond no, dassi nur no zwoi eggzäh gha hed, dauernd probiert het mer s gsicht z verchratze ond würkli wie bsässe usgseh het! spöter hani vom dokter erfahre, dassi schizophren isch ond zimli struubi lúüt gseht ond ghöhrt..

isch voll intressant, aber au asträngend. schaffe pro tag 4-5 stonde, wobi i immer umelaufe ond d hälfti vode ziit beschäftigt bin. s erschte was gfrögt wird, isch ûber geld het zum d undersuechig ond d medis z zahle, wenn nid: tschüss. so arg! s chrankehuus isch anschienend mit gäld vode wältbank renoviert worde, aber effektiv isches wie im drittwäldland. zimmer gids nid, sind eifach chlini mürli ond vorhäng zwüsche de bett. patiente werdet stondelang uufgschobe ond im gliiche ruum glah, wo öperem de arm no ganz broche wird (han ghulfe:) oder en katheter gleit wird. s het zwar en sterilisator, aber s material womer bruucht isch alt/haut nid/allzwäck ond isch eifach imene lumpe iipackt. grob desinfiziert wird mit chlor ond d wunde mitere seifeartige flüssigkeit putzt. immerhin kännets lokalibetäubig...brünneli gids ebefalls nid. d desinfektionsflûssigkeite, bluet ond gibswasser tropfet in chûbel, aber meischtens isch denn d hälfti trotzdem am bode...
jo, sind chli anderi zueständ, aber mer hed au meh d möglichkeite was z mache ond de lüüt würkli hälfe (d ecuadorianer sprächet immer zerscht d männer ah, verstoh natürli fascht nüt vom quetschua-spanisch-dialäkt-gmix)

sit dere wuche bini au bide gaschtfamilie. sind voll nett, hend e schöni wohnig imene quartier wos so vell strasseköter het. de gaschtvater seit zwar dasses sicher isch, aber ich han trotzdem foif schlüssel zum drü türe ufmache(isch gar nid immer so eifach ide nacht;-) am mittwuch het halt au grad d paohla, die chli gaschtschwöschter, geburi gha ond sie hend en teil inere iishale gmietet, dass d kids imene playground spass ha chönd. einersiits verdient de vater ganz guet als manager, aber sie machet au rächt gäld mit de uustuschschüeler. d sharon wo mit mir im spital isch, wohnt au grad det;-) woni no im aparment gsi bin, hani d wösch id wäscherei bracht (pro kilo 40cent, hehe) aber jetzt machts d putzfrau wo jedetag au s bett macht=)

guet möglich, dass de bricht chli zämegwürflet isch. bin voll müed ond de tag isch rächt heftig gsi..

---

---