Advertisement
Vo heisse 35 jamaikanische Grad isches wieder zrugg uf Bolivie, gnauer uf La Paz (3 800mM.ü.M.), de inoffizielle Hauptstadt gange. Han die Höchi dänn schnäll gmerkt, jedesmal wohni wieder zrugg is Hostel gloffe bi, bini wines Ross am schnufe gsi! Und sBierli nacher stiigt eim au no schnäll in Chopf i dere Höchi!
La Paz isch eigentli kei schöni Stadt…wie vili anderi bolivianischi Städt wo ich bsuecht ha, hätmer sGfühl dLüüt hebed ihrere Städt nöd so Sorg. Ich vermisse verschide farbigi Hüserfassade, Blüemli ade Balkön..irgendöbis wo chi hübsch usgset! Aber dLüüt händ daa definitiv anderi Problem. Die müend da zerschmal über dRunde cho mit dem wos händ…
D Highlights vo La Paz und Umgebig sind für mich de Häxemärt, d Abfahrt vode „Death Road“, und dTour id Pampas in Rurrenabaque gsi.
Ufm Häxemärt hätmer näbt huufe farbige Hose, Alpacapullis, Etuis, Port-monnnaie etc. nämmli Lamafötus gfunde!! Iih..E Iheimischi hät mich ufklärt: die vergrabed si vor ihrere Huustüür zum alli böse Geister abschrecke! Hm.. han mich dänn für es anders Souvenir entschide als en Lamafötus =)
Death Road!
Am Tag druf bini mit 4 anderne Gspöndli vo Israel, California und Japan die gföhrlich „Death Road“ durabgfäzzt.
En Van mit 5 guet usgrüstete Mountainbikes hät ois im Hostel abgholt und looooooooos ischs gange. Die Strass heisst „Death Road“ 1. Wils guet tönt und Touriste aalockt und 2. Wils früener de einzig Wäg gsi isch zum über de Berg inecho (wohni de Name vergässe ha). Da das Wägli zimmli schmal isch, häts öppe Toti gee wils bim chrüze vo zwei Autos nu für eis glangt hät! Ironischerwiis häts usgrächnet bi oisem Grüppli en Unfall ge: oise Guide isch vome duruffahrende Auto agfahre worde. Zum Glück ischer nöd die steil Wand abepurzlet! Mit me ufgschürfte Arm und doch zimmli agschlage ischer häter aber mit ois die 42km Death Road z Änd bracht! Ich bin mit 3 grusige grosse Blatere ade Hand und Muskelkater devoo cho 😉
Während de Abfahrt ischmer na öbis piinlichs passiert. Mini Japanerkollegin dShitzu isch eimal voll im Schuss a mir verbiidüüst. Won ich bemerkt ha, das ihre Schuebändel offe isch, hani si us Reflex gad aghaue: „Sushiiiiiiiii your shoelace!!“ ?! SUSHI? Ooops! Hami natürli gad entschuldigt, aber slache nur schwer chöne unterdrücke! Si häts zum Glück nöd persönlich gno und au müese lache :-D
Nächschte Punkt uf de To Do List:
Death Road Start
Es bolivianischs Filmteam isch grad am dreie gsi, und will mir so passend azoge gsi sind, hämer gad es Foti wele =)Cholitas Wrestling!
Jede Sunntig wird ime höch glägne Städtli, womer e wunderschöni Ussicht uf La Paz hät, Frau gäg Frau, Maa gäg Frau, Maa gäg Maa, gwrestled. Nur scho die Vorstellig, dass sone bolivianischi Dame, mit ihrem 10schichtige Rock und ihrere typischerwiis eher zrugghaltende Art, wrestled und dänn no gäge Manne! Natürli isch alles echli e Show aber au dLocals schiined sich prächtig amüsiert zha. S isch also nöd nur e Touristeattraktion! Die händ aml richtig in Ring inegschroue, wer als nächschts söll drundercho, under anderne au de Schiri oder de Pauseclown =)
Ab id Pampas mit Anti-Brumm!
Vo La Paz es halbs Stündli Richtig Norde flüge, denn chunt mer zume Dörfli wo Rurrenabaque heisst. Zimmli überraschend, dases zmizzt im Jungle sones ganzes Wohnviertel git! Vo deet us ischs dänn aber no 3h rumpligs Autofahre is Nirgendwo gange. Vom Nirgendwo isch oises Tourgrüppli (wo us mir undme scho überall anegreiste Ängländer bestande isch) per Boot no wiiter id Pampas use bracht worde i oisi Lodge, womer di nägste drü Täg verbracht händ.
Ufm Programm sind en huufe intressanti Erläbnis gstande: Tier-Beobachtige, Anaconda-Marsch, Piraña-Fishing, Delphin-Schwumm. E Anaconda hämmer gfunde, mit dä Delphin simer au go
Death Road
pretty narrow! bädele (es paar Lüüt händ sich beschwert, si seged vo Delphin in Fuess knabberet worde!), Pirañas hämer leider kei gfischt. Defür suscht en huufe hübschi Tierli atroffe und dNächt gnosse, zu so schöne Junglesound izschlafe! Ich han det usse so guet und tüf gschlafe, min änglische Kumpel hät verzellt ich heg di ganz Nacht immer wieder ganz munter Gschichtli im Traum verzapft und es heg seehr zfride tönt😉
Next destination: Copacana, Lake Titicaca
Advertisement
Tot: 0.075s; Tpl: 0.012s; cc: 12; qc: 28; dbt: 0.0263s; 1; m:domysql w:travelblog (10.17.0.13); sld: 1;
; mem: 1.1mb
