Everglades und Key West

---

hoi mitenand..

i weiss i schulde eu scho lang wieder mol en iitrag.. irgendwie hani nie ziit gfunde zum anehocke und schriebe.. aber i nimme mir ez ziit zum dä blog wieder uf vordermann zbringe... hehe

womer jo in florida acho sind, simmer jo 3 nächt in miami beach gsi... nochane simmer dän richtig everglades gfahre... coole nationalpark... ganz nebis anders wie d nationalpärkt wo mor bis ez gseh hend... alles isch schön grüen... d temparature so richtig tropisch... ein riesä nochteil hets.. es het mucke ka wie sand am meer... s erste womer a de touristä info i dä everglades gmacht hend isch gsi... en untramega guete muckespray go chaufe... hät sogar gnützt... ha nume öpe 5 muckestich ka.. dä mario viellicht eine...

hey jo... womer dän im nationalpark chli ume schumplet sind hämer no ä gfürchigi begägnig gmacht... aligatorä häsch immer wieder mol gseh aber dä einti du isch echt zmitzd uf em wägli glägä... mir henden zerst gar nöd gseh well mor uf di recht siitä glueget händ... und uf eimol chert sich da riese ding und jampt wieder zrugg is wasser... läck für es paar sekunde hani gmeint da segs ez gsi... läck somene ding id augä zluge isch dän nöd so lustig... mir händ den für üs denkt.. das die wächter üs au hetet chöne sägä das die dinger sogar uf d wägä laufet... hend voll nöd dämit grechnet... womer den chli chrüz und quer dur dä riesä park gfahre sind simmer dän no ine richtigs grosses gwitter cho... hey do häts grägnet wie us chübel use... öpe 15minute und dän isch es wieder verbi gsi... spöter simmer dän mitemene boot nochli dur d kanäl vo dä everglades gfahre... und zwor simmer döt dure wo sichs süesswasser mitem salzwasser mischt... no interessant gsi...

noch dem iidrückliche tag simmer dän scho richtig key west gfahre.. pfuset hämer uf dä erste insle.. key largo...

am nöchste tag simmer dän über all die viele brugge und chline insle zu keywest gfahre.. dä wäg döt ane isch traumhaft gsi... links und rechts eifach ungefähr 3 stund nume wasser... in key west hämer imene mega schöne motel gwohnt mitemene riesä pool. do in florida hets eh nume gueti motels für wäniger geld wie in california....

mir hend soooo heiss ka... i weiss nöd genau wie heiss... aber häsch chum möge umälaufe dur dä tag... mir hend üs dän es velo gmietet und händ den zum glück chli fahrtwind ka... hehe... s meer selber hät üs chli entüscht... miami beach isch 10mol schöner gsi... dur da dases do überall korallerif het isch s waser höchsgtgens en meter tüf.. und dur da isches 35 grad gsi... also null erfrischig... nöd schön gsi zum bädele... do hämor sogar s erste mol chräbsli gseh ka im wasser... i bi dävo gsecklät und dä mario isches go fange,... es hetem aber schön in finger bigset ka.. hehe...

---