Hallo us Santa Monica

---

Wa mor bis ez gmacht hend...

Am mäntig morge hämer en schwärä abschied ka vo üsere gastfamily... es isch soooo trurig gsi.. mini gastmam und i händ wörkli möse brüele... d chind händ noch dem das mir gange sind zwei tag immer wieder
brüelet... also wörkli en schwere abschied gsi....

am mäntig simmer dän richtig huntington beach gfahre... unterwägs hemor den aber no bim laguna beach und newport beach aghalte ka... di erst nacht hemor den in huntington pfuset... hät üs mega guet falle... mega schönä strand mit viel schöne surfer.... hehe... s städtli am obet isch au ganz herzig gsi,.. lauft recht viel am obet vorallem für üses alter... mir sind aber recht fuuhl gsi und drum simmer eifach nebis go mampfe und den nochli in piers useglofe....

am zistig morge hemor üs den uf dä wäg richtig santa monica gmacht... unterwägs simmer den am venice beach go bädälä und go boogie borde... und den nochli am beach entlang glofe.. dä beach isch jo bekannt für fitness center dirket am strand... viel sportplätz hets und wägli für velofahrer und inline skater... so gägä di füfi simmer dän uf santa monica gfahre und hend es motel gsuecht und gfunde... isch den amel gar nöd so eifach immer was schlaus und billigs zfinde... wos den langsam scho idunklet het simmer den uf de piers vo santa monica wos e riesärad und achterbahne druf het.... und well santa monica üs so guet gfallt hämmer entschiede ka gad nomel e nacht z bliebe...

am mittwoch simmer dän es feins starbucks käffeli go neh und chli und sind den chli dur d promenande gloffe... da isch e verkehrsfreii zohne mit viel lädä und restis... meeeega herzig.... am nomi simmer dän an strand und ez chunts.... mir sind go surfe.... ich go surfe... ha nie denkt dasi da no mache... aber es isch soooo geil gsi... mir hend e genials agebot übercho... händ s zweite en privat trainer ka... zerst hemor chli infos am strand übercho und den simmer is wasser.... üse teacher isch den amel dusse im wasser gsi und het amel immer gseit welli welle dasmor söllet neh... es isch aber scho no krass... also eis zwei mol hets mi schöö verrurt... ha nüme gwüsst wo une und obe isch... ha amel gmeint s brett ruhrs mor um de chopf ume... aber isch zum glück nüt passiert.... aber es isch jedesmol geil gsi wend e welle verwütscht häsch... eifach genial... noch zwei stund surfe simmer den fast d arme abkeit... es isch soooooo sträng.... ha chum me möge s bord träge... mit choooldampf simmer dän am obet ines feins italienischs resti... ganz guet gsi...
jo und morn gots richtig hollywood... mol luege wa üs den döte erwartet....

sodeli da wärs für hüt..
e schöni ziit und bis bald mol...

eui marina

---